менза (ж.)
Доброволците да се соберат во мензата! Доброволците да се соберат во мензата! - повторуваа кутиите.
„Постела на чемерните“
од Петре Наковски
(1985)
Ние чекавме на ред за в менза. Еден ден долго чекавме.
„Постела на чемерните“
од Петре Наковски
(1985)
Е, нели сум по мензи, не трпам за јадење.
„Небеска Тимјановна“
од Петре М. Андреевски
(1988)
Дојдов до мензата од логорот, до трпезаријата: тука е!
„Небеска Тимјановна“
од Петре М. Андреевски
(1988)
— Сервирка е во Студентската менза, вели Манол Форевски.
„Небеска Тимјановна“
од Петре М. Андреевски
(1988)
Според интерниот партиски договор, кој своевремено му беше дискретно пренесен и на Чанга, козите требаше да се вратат во селата, таму да се заколат, или овде, во градот да им се отстапат на народните мензи.
„Времето на козите“
од Луан Старова
(1993)
Јас не плачам. Сите жени на оваа маса носат очила. И пушат. Мензата е како оџак.
„МАРГИНА бр. 32-33“
(1996)
Кон мензата на градежното претпријатие Бетон беше придодадена една одаја, ѕидана, легната на самата земја, оти душемето на одајчето од надворешната кал ја делеше само едно прагче два три прста дебело.
„Исчезнување“
од Ташко Георгиевски
(1998)
Крцкањето и цивкањето на пружината, шепотот на Нанчо во кој навираше неговата страст или она женско Не, нее, не така... полекааа... од ноќ во ноќ сѐ побезобразно, сѐ поотворено, сѐ понападно, уште пред самиот да ми рече дека му пререкле од мензата дека треба да си заминам оти скришум ме ранел од таму, појдов до мојот вистински вујко, братот на мајка ми, кој во тоа време имаше навистина светла, просторна и убаво наместена одаја во една од зградите на Автокоманда со молба да ме прибере кај него додека дојдат моите од Војводина.
„Исчезнување“
од Ташко Георгиевски
(1998)
А потоа се разделивме. Заминав на вечера во студентската менза.
„Летот на Загорка Пеперутката“
од Србо Ивановски
(2005)
- Од каде си ги научил овие работи, од студентската менза? - Не, уште од домската.
„Синовски татковци“
од Димитар Солев
(2006)
А што друго можеше и да се очекува, освен да се освести од сопствените блујаници на затворскиот нужник за клечење, кога мртов пијан од бруцошка матежина на доточка и првоток се качил на маса во студентската менза и држел говор - за сѐ и сешто, од прадедо му знаменосец на Мечкина Дупка до дедо му роготрубач на Зајчев Рид, од вујко му рудар во Аргентина до стрико му говедар во Патагонија, ниеден од оваа власт слезена од планините, ниеден од неговото планинско село да е член барем во Управата на спелеолошкото друштво ако не во управата на филателистите. На Републикава, да ја ебам.
„Синовски татковци“
од Димитар Солев
(2006)
Брзај да не ти пропадне купонот за мензата, оти уште малку е два саатот.”
„Послание“
од Блаже Конески
(2008)
Секое утро се постројувавме, се избројувавме, правевме гимнастика и во строј одевме во менза по истиот воен распоред како што бевме порано, со истите команданти и политички комесари.
„На пат со времето“
од Петре Наковски
(2010)
Тажно мртвило лебди во просторот. Кога последен пат го посетив ова место, како сѐ уште да ги слушав веселите гласови на некогашните задоволни работници од детството, во преполната работничка менза.
„Работни спорови - Позитивни примери од судската пракса“
од Димитар Апасиев
(2011)
Во тоа време фабриката имаше и солидна менза и доста добра работна кондиција.
„Работни спорови - Позитивни примери од судската пракса“
од Димитар Апасиев
(2011)
Работните услови во АД „Охис“, на почетокот од вработувањето, беа релативно добри – за потоа, во текот на транзицијата, да почнат сѐ повеќе и повеќе континуирано да се влошуваат: на пример, вработените немаа ниту греење, ниту ладење – па зимно време работеа на температури под нулата, а на лето беа принудени да ги поднесуваат жегата и пеколните горештини; мензата која порано одлично функционираше сега е затворена и сл.
„Работни спорови - Позитивни примери од судската пракса“
од Димитар Апасиев
(2011)
