накрши (св.)
Строгите линии на неговото лице се накршија и низ возбудливото занесно шепотење прстите на оптегнатите раце фаќаа во просатранството нешто необично, меко, нежно, податливо...
„Пустина“
од Ѓорѓи Абаџиев
(1961)
Сѐ, што можеше да донесе во својата собичка, беше една китка брст, што ја накрши кога сети на своето срнче, и една лута болка во сите зглобови, во сите глуждови, од која што колениците се превиткуваа сами.
„Белата долина“
од Симон Дракул
(1962)
Испржи сланина, накрши јајца во тукот и по некоја колбаса, а Трајко пушти вино.
„Толе Паша“
од Стале Попов
(1976)
И Мирче влезе во кошарката да накрши една тава јајца, иако беа петрови пости.
„Толе Паша“
од Стале Попов
(1976)
Јадевме само жива пченка, вели, влеговме во една нива и накршивме кочани пченка, вели, и после нѐ болеше многу срце. Нѐ свитка мевот од бола, вели.
„Пиреј“
од Петре М. Андреевски
(1983)
Во распретаната пепел светнало слабо жарче. Накрши суварки, наведната хухаше сѐ додека не пламна огонче.
„Молика пелистерска“
од Бистрица Миркуловска
(2014)
Ајде, на куп фурките и вретената!... - Тој собра сува трева, накрши суварки, ги пикна под купот и ги запали.
„Големата удолница“
од Петре Наковски
(2014)
Тука накрши гранки, ги собра под мишка и појде кај девојката.
„Големата удолница“
од Петре Наковски
(2014)
