најповеќе (прил.)
Волјата на двете сојузни држави: Русија и Австро-Унгарија може да сретне противдејство само од Турција и од нас, но најповеќе од нас, зашто со реформите се бараат, не од нас, а од Турција, задолженија и ако ние со нашите работи покажеме оти тие задолженија што се бараат од Турција не нѐ задоволуваат, тогаш ние само ќе ѝ помогнеме на Турција ништо да не воведе од реформите што се бараат од неа.
„За македонцките работи“
од Крсте Петков Мисирков
(1903)
Но главно, како што напомнав пак погоре, ќе му се помогне на нашиот народ со културно работење, а најповеќе со просветувањето.
„За македонцките работи“
од Крсте Петков Мисирков
(1903)
Благодарејќи ним, во најново време се откажавме да си избереме едно од нашите наречја за наш општ литературен јазик, а наместо тоа зедовме да се учиме и да пишуваме на туѓите соседни јазици, најповеќе на бугарскиот.
„За македонцките работи“
од Крсте Петков Мисирков
(1903)
Неуморно копа во нејзиното срце - не би ли истргнал оттаму близок, сакан трепет: заради неа, заради сите. Најповеќе заради неа...
„Бојана и прстенот“
од Иван Точко
(1959)
А тие му помогнуваа не само со тоа што му ги вршеа најтешките работи, туку најповеќе со својот улетнат исплашен молк.
„Белата долина“
од Симон Дракул
(1962)
За среќа на полчивци, на самиот јузбашија, а најповеќе за среќата на Толета и Митра, овој јузбашија се погоди некако разбран и „кретен" човек.
„Толе Паша“
од Стале Попов
(1976)
- Музика? - Молам? - Дали сакате да пуштам некоја плоча: (пребарува по плочите) Вие, која музика најповеќе ја слушате?
„Или“
од Александар Прокопиев
(1987)
Сериозноста на сликите и скулптурите досега нудеа, меѓу другото, бегство од светот на хамбургерите и евтините магазини, а најповеќе од постојаната пресија на рекламите, филмовите и телевизијата.
„МАРГИНА бр. 11-12“
(1995)
„Каде си бил?“ „Овде и онде. Најповеќе овде.“
„МАРГИНА бр. 34“
(1996)
Го побара крстот зашто не него беше распнат Христос и маките човечки, зашто најповеќе ѝ личеше на клуч, онолку голем и значаен, колку за Дверите небесни.
„Захариј и други раскази“
од Михаил Ренџов
(2004)
Сепак, најповеќе Нунета го уважуваа и почитуваа заради „Метод за решавање на омразите и вражбите“ наречен накусо „Пакс-верс метод“, или како што тоа со гордост го објаснуваше Нуне „Стиховен мир“.
„Захариј и други раскази“
од Михаил Ренџов
(2004)
Тој ми кажува за своето. Јас му кажувам за моето. Со него најповеќе ми оди.
„Захариј и други раскази“
од Михаил Ренџов
(2004)
Можеби поради тоа пијавиците се впиваа најповеќе по моите меса.
„Синот“
од Србо Ивановски
(2006)
Карабеќерица имала само две нешта што сега најповеќе ги сакала и чувала: чешмата и гробнината.
„Македонски народни приказни“
од Иван Котев
(2007)
Тоа можеби најповеќе нѐ обезоружи и нѐ остави сите да останеме како што бевме.
„Светилка за Ханука“
од Томислав Османли
(2008)
Можеби најповеќе, оној чие отсуство го чувствуваш.
„Светилка за Ханука“
од Томислав Османли
(2008)
Ле Клезио е писател кој во своите дела најповеќе страници има посветено на сонцето.
„Календар за годините што поминале“
од Трајче Кацаров
(2012)
Полека го запознавав Париз, најповеќе во неделите кои ми беа слободни денови.
„Животот од една слива“
од Зорица Ѓеорѓиевска
(2014)
