нејсе (чест.)
СТОЈАН: Нејсе, де... Топол ден, сонцето пече, а Славче, продава кикиритки среде во градот...
„Печалбари“
од Антон Панов
(1936)
Нејсе, тој се исповеда пред сите дека не е поп, но само „црноризец“ — калуѓер.
„Крпен живот“
од Стале Попов
(1953)
Нејсе, ако се толку магариња, и попот, и Илко да не дадат нишчо, алав нека им е табиетот.
„Крпен живот“
од Стале Попов
(1953)
— Нејсе, — вели дедот Петко. — Дури да и нараниме маските, да се обујме, да се замиеме образ, па шо се вели, дури да поручаме, и времето ќе дојде за одење.
„Крпен живот“
од Стале Попов
(1953)
Нејсе, скршено ли е и секое изводи свои бесни глисти...
„Куршуми низ времето“
од Љупчо Стојменски
(1976)
Нејсе. Луѓето се согласија: сакаат да работат, оти им се јаде. Им се витка мевот, им бега папокот од нејадење.
„Пиреј“
од Петре М. Андреевски
(1983)
Нејсе, на одење, на нашки ми рече: - Земи си ги парталите и качувај се во камионот.
„Постела на чемерните“
од Петре Наковски
(1985)
Коса има, а главата не му се гледа... Нејсе...
„Небеска Тимјановна“
од Петре М. Андреевски
(1988)
И така го пишуваа: Небеска-Ксантос. Мое име, а негово презиме... Нејсе...
„Небеска Тимјановна“
од Петре М. Андреевски
(1988)
Нејсе, го повикав да се извлече од грмушката во која се засолнуваше од стравот.
„Тврдоглави“
од Славко Јаневски
(1990)
Липа, и земјата да се расплаче. Нејсе, се наведнав и сосила го извлеков.
„Тврдоглави“
од Славко Јаневски
(1990)
Нели се плашев - да не би да не успеам и поради тоа Љупчо да ми се смее... ајде, мајкин, нејсе, сѐ добро заврши.
„Клучарчиња“
од Бистрица Миркуловска
(1992)
Но, нејсе, тоа е друго прашање. Остави ги лажните идеи кои те опседнуваат, космополитизмот, на пример.
„Атеистички музеј“
од Луан Старова
(1997)
Јагулче Дримски многумина ги знаеше. На нишан ги имаше. Ако затребаше... Ама нејсе...
„Патот на јагулите“
од Луан Старова
(2000)
Туку нејсе, времето ќе ги расчисти работите.
„Патот на јагулите“
од Луан Старова
(2000)
Нејсе! Како што се ширеше мојата работа, така беа се почести моите патувања, во почетокот со карваните, а подоцна за тоа имав свои луѓе.
„Бунар“
од Димитар Башевски
(2001)
Нејсе! Даде господ, тргна животот напред. Кај Ризван-бег работев четири години нецели.
„Бунар“
од Димитар Башевски
(2001)
Нејсе! Тогаш јас, реков веќе, ослободен и со чиста совест дека сум сторил сѐ што е потребно, решив да се поддотерам, да се потстрижам.
„Бунар“
од Димитар Башевски
(2001)
Нејсе. Помина подолго време. Поминаа над петнаесет години.
„Захариј и други раскази“
од Михаил Ренџов
(2004)
Нејсе. Чекорам јас така, нога за нога кога од зад свиокот слушам музика трешти, чалгии свират, тапани бијат.
„Захариј и други раскази“
од Михаил Ренџов
(2004)
