преврзе (св.)
Застанал зетот пред врата и сите сватови на коњи, наметнати со белите јапанџаци, на главите фесови тунузи преврзани со белите чалми, опкачени сите со пиштоли жолтомедни, а на нозете сите со скорни црвени.
„Силјан штркот“
од Марко Цепенков
(1900)
Глава преврзана, Румке мори, со сина шамија, Румке, глава преврзана, лице овенало. Румке, очи пропаднале...
„Печалбари“
од Антон Панов
(1936)
Лево, напред, врата, а во дното долап; меѓу прозорците огледало од горе малку спуштено и украсено со крпа со домашен вез во форма прозорец со расечена завеса и од горе на среде преврзан со корделка.
„Антица“
од Ристо Крле
(1940)
Една мала, топчеста бригадирка, преврзана со бела шамија, кога усети дека ја блисна студена вода и и’ се разлеа по градите, цикна преплашено и го испушти чанчето на земја; Мече се засркна од смеа, а после нацрпи во црпалото пак вода и уште неколку пати ја плисна бригадирката, која што беспомошно се обидуваше да се одбрани со раце: – На, сакаш уште!
„Бегалци“
од Јован Бошковски
(1949)
Си се преврза Дочка со тулбенот, ја омолкна метлата, ги измете сите мутли до каде што можеше да стаса, фрли шутки, паници, опурчаци и други непотребни работи што стоеја таму со години.
„Крпен живот“
од Стале Попов
(1953)
Некој му го соблекол шијачното палто и му го преврзал рамото со ракавот, скинат од неговата кошула.
„Кловнови и луѓе“
од Славко Јаневски
(1956)
Цепенко се будеше. Откако му ја измија и преврзаа раната на главата, тој почувствува голема леснотија.
„Бојана и прстенот“
од Иван Точко
(1959)
Му го собу чорапот, му ја изми раната, ја намачка со јод, ја преврза со завој и му го обу опинокот.
„Волшебното самарче“
од Ванчо Николески
(1967)
- Малку ме чпарнаа во десната нога. Стевка ме преврза.
„Волшебното самарче“
од Ванчо Николески
(1967)
- Ќе ги преврзуваш раните, - гукна Ѓеле.
„Дружината Братско стебло“
од Јован Стрезовски
(1967)
Напред одеше Гојан, а по него Огнен. На Огнен му беше левата рака преврзана со бел завој.
„Волшебното самарче“
од Ванчо Николески
(1967)
Под сликата пишува нешто, а Сашо знае дека во напишаното се кажува зошто на мечката ѝ е преврзана муцката, но тој уште не знае да чита.
„Билјана“
од Глигор Поповски
(1972)
Леле, еве ја пак, на другиот лист. Сега устата не ѝ е преврзана.
„Билјана“
од Глигор Поповски
(1972)
Истргаа еден сноп `рженица, го преврзаа на две за перница и се кутнаа да спијат.
„Будалетинки“
од Мето Јовановски
(1973)
- Да му го закачам на ваков живот, вели едно журчанче, преврзано преку очи.
„Пиреј“
од Петре М. Андреевски
(1983)
И со бел туљбен преврзана, градски.
„Пиреј“
од Петре М. Андреевски
(1983)
Првин нѐ острижија. Нѐ стрижат со искрвавени машини, оти машините им заглавуваат од вошки, нѐ мијат некои чесни сестри, нѐ преслекуваат, нѐ преврзуваат.
„Пиреј“
од Петре М. Андреевски
(1983)
— Оди да ти ја преврзат раката, ѝ вели Оливера Поточка.
„Небеска Тимјановна“
од Петре М. Андреевски
(1988)
Ја преврзуваме Струма Количовска, а таа само нѐ бара.
„Небеска Тимјановна“
од Петре М. Андреевски
(1988)
Ме преврзаа мене, а писна Струма Количовска.
„Небеска Тимјановна“
од Петре М. Андреевски
(1988)
