ромори (несв.)
Ел - Тепе в облак надвишил чело, шумоли тивко низ гора лист, мирисат росни цвеќиња в долој, ромори поток ко солза чист...
„Мое село“
од Ванчо Николески
(1950)
Потоа се слушаше само уште роморењето на дождот.
„Две Марии“
од Славко Јаневски
(1956)
Тие молчат и јас пак го слушам само кладенчето, поточето. Си ромори, ми ромори во душава.
„Пиреј“
од Петре М. Андреевски
(1983)
Кладенчето си ромори, како и тоа да сака да праша нешто за мене.
„Пиреј“
од Петре М. Андреевски
(1983)
- Заколете ја, вели тој што им е како главен, војвода. Тие ги подместуваат штиковите, а кладенчето си ромори, небаре низ уши да ми поминува. 195
„Пиреј“
од Петре М. Андреевски
(1983)
Во собата продираа најразлични звуци: од тоалетот наутро се слушаше гргорењето на неговото порцеланско грло, од покривот лекото роморење на дождовните капки, од таванот итрото глувче што трча меѓу тајните прегради, а од под скалилата појот на канарката во нејзиниот кафез.
„Лек против меланхолија“
од Реј Бредбери
(1994)
Чинам: Ме лекува. чешма Истечува ли, Ромори ли, Или Така Се прераскажувам Себеси? ластовица Прелета Небаре Воздишка. октомври. утро.
„Вечната бесконечната“
од Михаил Ренџов
(1996)
Чаршијата ромореше за оваа случка, ама и се мајтапеше со вдовецот аџи Герасим, кому откопаната му ја величаа како ветена втора жена, која во чеизот му носи купче богат накит.
„Вежби за Ибн Пајко“
од Оливера Николова
(2007)
Надвор здодевно ромори дождец, теренот станува лизгав, постои и реална опасност да се излеат септичките јами, постојат и други опасности, колку да сакаш.
„Ситночекорка“
од Ристо Лазаров
(2012)
