темничиште (ср.)
Отаде, на фронтот пред нив, каде што татнеа топовите, хоризонтот беше затемнет од некои думани во кои по секој пукот од земјата никнуваше ново темничиште. Наместа од земјата избиваше оган.
„Будалетинки“
од Мето Јовановски
(1973)
Сонцето кацна долу зад Галичица оставајќи алев одсјај на небото и темничиште во дното на езерото и тие станаа да продолжат кон Ливаѓе.
„Будалетинки“
од Мето Јовановски
(1973)
Проклет да бидам, имало господ, во тоа темничиште и по тие скапани скали да се помине само со неколку полесни случаи - чело, нос, око, шината нога, о, тоа морало некој добар ангел тука по цела ноќ да бдеел.
„Големата вода“
од Живко Чинго
(1984)
- Зошто се состанувате под земја,во ова темничиште? – го прашувам.
„Балканска книга на умрените“
од Мето Јовановски
(1992)
Кога се враќав од часови повеќе никаде не бегав, туку останував во темничиштето на бараката до доцна во ноќта.
„Исчезнување“
од Ташко Георгиевски
(1998)
Дури и да се фрли врз него во ова темничиште во кое се наоѓаше.
„Продавница за љубопитните“
од Мето Јовановски
(2003)
Знаеше таа дека никој не сака многудетно семејство, зар таа ќе ги остави тука, во ова темничиште?
„Црна билка“
од Ташко Георгиевски
(2006)
Досада го налегна од тој надурмен небосвод што се точкаше во облаци и темничиште.
„Послание“
од Блаже Конески
(2008)
Кочо плати и излезе. Надвор беше темничиште. Тој тргна по џаде, шлапајќи низ локвите.
„Послание“
од Блаже Конески
(2008)
Нешто некаде ја носи, ја носи, ја носи низ некое темничиште, како низ некој тунел, а некаде таму, отаде, на другиот крај од тунелот зрачи некоја светлина што се лачи во меко сина а силно виолетова, и тоа ѝ влева надеж, па сака што поскоро да се најде на другиот крај од тунелот, во светлината каде што Пандо нејзин сигурно ја чека.
„Човекот во сина облека“
од Мето Јовановски
(2011)
ЛЕТАЈ, СВЕТУЛЧЕ, низ темно темничиште! Оф, не згаснувај! - Сал кучињата лаат... оф, лоши луѓе идат... ***
„Молика пелистерска“
од Бистрица Миркуловска
(2014)
