трагач (м.)
На птиците им се придружија со засипнато лаење пци скитници и дресирани трагачи со волчо потекло.
„Кловнови и луѓе“
од Славко Јаневски
(1956)
Оној занес на голем трагач по невозможното, за кого леди Алкафорада, владетелката на белото острово, ќе биде конечно најдениот raison d`etre.
„Слово за змијата“
од Александар Прокопиев
(1992)
Не голем трагач по возбуди, а внимателен со своите пари кога се откачува.
„МАРГИНА бр. 19-20“
(1995)
Или ако сакате - бирократизираниот уметник станува манијакален трагач по извесна СОЦИЈАЛНА ВРЕДНОСТ; вредност која иницира нов синџир на опсесивности потхранувани од еден многу разбирлив комуникациски систем што нуди прифатливи за мнозинството играрии во сферите на политичкото.
„МАРГИНА бр. 26-28“
(1996)
Секогаш жените, а пред сѐ младите жени, беа најфанатичните следбеници на Партијата, голтачи на слогани, шпиони - аматери и трагачи по неисправното.
„1984“
од Џорџ Орвел
(1998)
Тој не ја виде светлината на денот. Заврши во библиотеките на двајцата занесени трагачи по заедничките балкански вистини...
„Тврдина од пепел“
од Луан Старова
(2002)
Му раскажав за повеќе случувања во кои јас лично се обидував да изигрувам херој или трагач по вистини, и дека, за мое големо разочарување, животот ги користеше таквите мои недоволно обмислени потфати само за да ме исмее.
„Синот“
од Србо Ивановски
(2006)
Тој беше трагач по нови земји и нови народи, желен светот да го обедини!
„Еп на Александар Македонски“
од Радојка Трајанова
(2006)
Еднаш ќе исчезнам во сенките на твојата пена Ќе се вратиме во коренот на големата билка Има цутови загубени огнови на летните ноќи трагачи на добрата утока на утрото Има цутови одвај исправени над своите болести.
„Посегање по чудесното“
од Србо Ивановски
(2008)
Сега трагачите по злато, дивите копачи навалиле во потрага по неа!
„Ветришта“
од Радојка Трајанова
(2008)
Каде што престојував љубовта беше најпрогонуван порив Инаку за Одисеј боговите зар ќе смислеа Најзаобиколен пат кон саканата Пенелопа Реалноста е состојба на живот што си заминува А сонот е траг од копнежот што незнајно исчезнал Дали сме ние трагачи по реалноста престорена сон?
„Посегање по чудесното“
од Србо Ивановски
(2008)
Зборот, само игра на случајноста или трагач по загубениот поларен свет: помеѓу јатата ситни птици на островот на смрзнатите водопади, со патишта што треба да се изодат пред да станат проодни А сонува Атлантиди во ѕвездениот архипелаг Зборот, раскрилен бран што срчено ќе го крепи Ноевиот ковчег во водите без граници Или само фрлен зрак врз твоето мрачно лице што не знае каде спие, кај се буди, А сонува Атлантиди во ѕвездениот архипелаг Зборот, потоната надеж и измолкнат крик од молчеливите води.
„Посегање по чудесното“
од Србо Ивановски
(2008)
Станав молител во храмот, станав трагач по сопственото срце, се претворив во мечтател по сопствената душа.
„Жонглирање со животот во слободен пад“
од Сара Трајковска
(2012)
Преку која непишаниот иден „трагач“ полесно ќе стигне до целта.
„Последната алка“
од Стојан Арсиќ
(2013)
