утврди (св.)
Но Словените добро се утврдија на целиот Полуостров, а особено во Македонија, каде што образуваа уште во VI столетие140 силна држава, против која Византијците упатија силна војска.
„За македонцките работи“
од Крсте Петков Мисирков
(1903)
Хегел исто така утврди дека оваа основна и сеопфатна закономерност на природата и општеството не може да се проѕре, да се разбере и објасни ако се применува метод што би бил статичен и би оперирал со крути, апсолутни поими и постулати.
„Значењето на Хегеловата филозофија“
од Кочо Рацин
(1939)
Тој се трогна од грижата на оваа мајка и му се утврди вербата дека ќе дојде време кога самиот народ ќе трча за просвета.
„Крпен живот“
од Стале Попов
(1953)
Во Битола Ѓуро не заборави да издејствува помилување и за своите двајца четници Колета и Стојана, но додека тој се задржа таму да ја положи клетвата и го утврди „посрбувањето", наредникот успеа да ги фати неговите четници и една ноќ ги „суреди" обајцата со ладно оружје — по еден штик во градите — и ги закопаа во грмаѓето Уровички.
„Крпен живот“
од Стале Попов
(1953)
Тоа го утврди рамнодушно и без причина.
„Две Марии“
од Славко Јаневски
(1956)
Тие се качени горе и убаво се утврдени...
„Дружината Братско стебло“
од Јован Стрезовски
(1967)
Го утврдија планот кој на кого ќе стрела и каде ќе се најдат во случај да се загубат во ѓурунтијата.
„Толе Паша“
од Стале Попов
(1976)
Бимбашијата ја виде оваа од Бахтијара и двајцата заповедници се ставија во „Липје" и го утврдија планот.
„Толе Паша“
од Стале Попов
(1976)
Се утврди дека бравите се претерани преку рид — во Мегленијата.
„Толе Паша“
од Стале Попов
(1976)
Тоа го утврди на следниот начин: ја исуши најотровната печурка пантерка, ја сомле и правот го измеша со шеќер и им го даде на неколку пчели да го јадат. Пчелите угинаа.
„Јанsа“
од Јован Стрезовски
(1986)
Утврди дека (покрај многуте својства што ги има поленот: изобилство од витамини, хормони, протеини, азоти, јаглени хидрати, белковини, маслени и минерални материи со околу триесет елементи) - тој има моќ да штити и од отрови.
„Јанsа“
од Јован Стрезовски
(1986)
А вечерта, на срецелото, со главите на другите домаќинства, по долги меѓусебни разговори и откако врз основа на долгогодишни искуства ќе ги утврдеа временските прилики, сигурно дека и ова лето нема да ги изненади со невреме, ја прогласуваа жетвата.
„Потковица на смртта и надежта“
од Миле Неделкоски
(1986)
И по тоа кој каква одбра, во институтот за брак, утврдија дека: убавите луѓе одбраа убави жени; грдите луѓе - грди; дебелите луѓе дебели жени; слабите луѓе - слаби жени...
„Јанsа“
од Јован Стрезовски
(1986)
А Танаил пак, наведе дека не се согласува да ги плати тие 25% додека не се утврдат и другите причини бидејќи тие се основните што довеле до распукување на куќата.
„Злодобро“
од Јован Стрезовски
(1990)
VIII Првостепениот суд по налог на Второстепениот суд кој бараше да се утврди фактичката причина за пукањето на куќата од Китан, испрати судска комисија со вешто лице - пиротехничар.
„Злодобро“
од Јован Стрезовски
(1990)
Но кој да утврди кои биле варвари, а кои цивилизирани староседелци?
„Времето на козите“
од Луан Старова
(1993)
Никогаш, дури ни при бомбардирањата на крајезерскиот град за време Втората светска војна, кога татко ми мораше да замине на едно од своите таинствени патувања од кои се враќаше дури кога ќе се утврдеше едниот или другиот окупатор, мајка ми и постарите браќа не го беа виделе позагрижен, повознемирен.
„Времето на козите“
од Луан Старова
(1993)
Стигнале и Османлиите. Се утврдиле во нашиов град, тука да векуваат, а продолжиле кон Европа, ги запреле пред вратите на Виена.
„Времето на козите“
од Луан Старова
(1993)
Ова се луѓе од некој далечен свет, од одредена планета и имаат точно одредени очи, точно одредени уши, одат со нозете на точно одреден начин и носат оружје и размислуваат и се борат, и имаат точно одредени срца и секакви други органи, точно така како што уште многу одамна беше утврдено.
„Лек против меланхолија“
од Реј Бредбери
(1994)
Врската со сигурност сѐ уште не е утврдена.
„МАРГИНА бр. 8-9“
(1994)
