ќерка (ж.)
И тогава тие благодариле Бога зашто се удостоили да имат у дом свој царска ќерка.
„Избор“
од Јоаким Крчовски
(1814)
Над ваште невести и ќерки плачете, о бедни, бидејќи за нив нема спас.
„Сердарот“
од Григор Прличев
(1860)
Или чума изморила синове ти, дштерки? Или оган изгорил е кашта ти и стока?
„Крвава кошула“
од Рајко Жинзифов
(1870)
- „Што се срдиш, мори ќерко, толку, ѝ рекла свекрва ѝ, чунки тогај си дошла од работа, што зијан ти се стори?
„Силјан штркот“
од Марко Цепенков
(1900)
Многу биле лоши, разлавални; татко и мајка ич не ризале, многу ги огорчувале, и зер татко им бил многу лут, така и мајка им, та беа ги колнале многупати, ете зер ѓавол натемаго беше се погодил, чедо, некој лош саат, кога ги колнала мајка им вака: „Синко Сиве и ти ќерко Чуле!
„Силјан штркот“
од Марко Цепенков
(1900)
Тој имаше само еден син на име Силјан; имаше Божин и една ќерка.
„Силјан штркот“
од Марко Цепенков
(1900)
РАЈНА: Молчи, ќерко, молчи. Така господ рекол...
„Печалбари“
од Антон Панов
(1936)
ЈОРДАН: Слушај, ќерко. Ете, стрико ти Кољо те сака, да му бидеш снаа за внук му Јован. Го познаваш?
„Печалбари“
од Антон Панов
(1936)
ЈОРДАН: Е, ама Симка е чорбаџиска ќерка, тешко гази. Колку чини името!
„Печалбари“
од Антон Панов
(1936)
МИТРЕ: Како да не, сме зеле. Маживме, ќерка, купивме некое нивче, оваа куќа ја направивме...
„Парите се отепувачка“
од Ристо Крле
(1938)
МАРА: Кате, подај ми ја, ќерко, кутијата од кафето и донеси филџани.
„Парите се отепувачка“
од Ристо Крле
(1938)
МАРА: Извади ја, ќерко, од ковчег ризата што е за Анѓелета.
„Парите се отепувачка“
од Ристо Крле
(1938)
САВЕТКА: (ѝ ги прекинува мислите). Антице ќерко, ајде врши ја таа работа, пак земи прави нешто друго.
„Антица“
од Ристо Крле
(1940)
Леле, ќерко што те стијоса да правиш вака?!... Аман, мори станувај, оти на идење се.
„Антица“
од Ристо Крле
(1940)
САВЕТКА: Аман, мори ќерко, што да правам јас сирота?
„Антица“
од Ристо Крле
(1940)
Полицискиот агент, новиот обожавател на инспекторовата ќерка, притрча и се фрли меѓу нив.
„Улица“
од Славко Јаневски
(1951)
Се зарадував што над нив, лета пердувеста и синкава фигура на ангел со гулабови крилја и со мазно лице слично на ќерка му на даночниот инспектор заради која коњичкиот капетан, женски подвижен во полните колкови, минеше двапати дневно низ улицата.
„Улица“
од Славко Јаневски
(1951)
Најбогатиот во овој ќор-сокак го празнуваше свршувањето на својата ќерка.
„Улица“
од Славко Јаневски
(1951)
Токму пред попење му умре и жената и тој остана со ќерка си Бисера и сина си Крстета.
„Крпен живот“
од Стале Попов
(1953)
Та можело ли да биде инаку, току да ја напади ќерка си никој да не ја види? Господ да чува и да брани!
„Крпен живот“
од Стале Попов
(1953)
