Колокации | Дигитален речник на македонскиот јазик

Се плашеа стратезите на револуцијата од непредвидливиот бес на оние со кои победија во војната, ја изведоа револуцијата, ги обединија луѓето и завладеаја во земјата.

„Времето на козите“ од Луан Старова (1993)

Длабоко во себе тој можеше да се согласи со новата власт: за што ги растура куќите, имотите, семејствата, па одново ги обединува во нови неприродни врски, заедници, а преостанатите планинци, кои нема од што да ги раздели освен од козите, ги тера да слезат во градовите и прекуноќ да станат нова класа.

„Времето на козите“ од Луан Старова (1993)

Премногу ги храни и ги возбудува, па и ги обединува, независно од меѓусебната нетрпеливост.

„Бунар“ од Димитар Башевски (2001)

И конечно, поенатата: „Ќе го преземам рабинското место на Солун на Лаг Баомер15 во 5683 (1933) година и се надевам дека ќе бидам рабин кој ќе воспостави брак помеѓу Евреите од Истокот и Евреите од Западот, кој ќе ги обедини во единствена нација на Израилот, за благосостојба на нејзиното духовно постоење и напредок, како во егзил така и во земјата Израелска”. 16

„Светилка за Ханука“ од Томислав Османли (2008)

Елеазар бен Цви пред очите ги гледа ликовите на првите владетели што во новата земја ги обединија еврејските племиња и на свештениците на единствениот бог што водеа битка со првосвештениците на паганските култови на богот Баал и на божицата Астарте, ги гледа нивните жртвеници и необични ритуали во кои на овие божества им жртвуваат крвни жртви, обезбедувајќи, по сите колебања и пресврти, доминација на единствениот, на Мојсеевиот бог и на неговите свештеници, на рабините од древните времиња благословени оттогаш, па сѐ до денес, сѐ до него.

„Светилка за Ханука“ од Томислав Османли (2008)

И пак: Луѓето паѓаа безживотни по улиците на градот, а на небото страшно кричеа крилестите сили што веќе го запоседнаа целиот свод и глеадаа одгоре во несреќниците што не можеа да најдат засолниште зашто и во земуниците ги стигаа студените погледи на ангелите со сиви крилја кои ги кутнуваа на земја, без здив.

„Светилка за Ханука“ од Томислав Османли (2008)

Нашата цел мора да биде да ги обедини во активен и пасивен отпор спрема Германија.

„Британските воени мисии во Македонија (1942-1945)“ од Тодор Чепреганов (2001)

Една од врвните ѕвезди на нашата гатачка естрада е госпоѓа Сабина по националност Бошњакиња али жената е сестрана и полиглота која со својот тарот знае да ви прорече судбина на поише јазици и да ги обедини сите националности као у времето на Тито.

„Двоглед“ од Горан Јанкуловски (2011)

„Светилниците на човештвото /Бодлер/ ги обединуваат и едниот и другиот „изворен гест“, успевајќи да се ослободат од едноставната детерминирачка принуда.)

„МАРГИНА бр. 26-28“ (1996)

Тоа не може да служи за заеднички литературен јазик на Бугарите и Македонците, зашто не може духовно да ги обедини врз еднакви права сите три спомнати области.

„За македонцките работи“ од Крсте Петков Мисирков (1903)

Фестивалот ги обединува новите пиеси и создава можност за средба очи в очи помеѓу авторите, актерите и публиката.

„Календар за годините што поминале“ од Трајче Кацаров (2012)

Овие институции се исто така комплексни мешавини од мрежи и хиерархии - пазари и бирократии, на пример. (...) Пред-капиталистичките пазари, како на пример оние што постоеја во средновековна Европа, Кина или Индија, или дури и денес во многу малите места, се структури што израснуваат од децентрализираните процеси на одлучување, кои ги обединуваат потребите и понудите.

„МАРГИНА бр. 29-31“ (1996)

VII Кога се разделија Татко и Климент Камилски во доцната ноќ, и кај обајцата зајакнуваше убедувањето дека ќе најдат нови методи како да ги обединат книгите од нивните библиотеки за среќната иднина на нивните деца на Балканот.

„Балканвавилонци“ од Луан Старова (2014)

Му се случуваше светоста на книгата со нејзината моќ да ги обединува луѓето во тешките мигови на животот.

„Балканвавилонци“ од Луан Старова (2014)

Веруваше дека и распоредот на читањето на неговите книги може да се смета за лавиринт, кој ги обединува минатото и иднината, со излез во сегашноста.

„Балканвавилонци“ од Луан Старова (2014)

И обајцата веруваа и сонуваа дека ќе ги обединат источните и западните идеи со помош на ретките книги од нивните обединети митски библиотеки.

„Балканвавилонци“ од Луан Старова (2014)

И обајцата по составувањето на Листата на (без)опасните османизми, верувајќи дека еден ден нивниот проект, актуализиран ќе ја види светлината на денот, си ја продолжија секој својата поранешна работа.

„Балканвавилонци“ од Луан Старова (2014)

Постмодернистичката литература ги обединува, значи, мошне различните поимски димензии и на тој начин доведува до стопување меѓу елитистичката и масовната култура.

„МАРГИНА бр. 36“ (1997)

На крајот ќе се разделат, пред да ги совлада смртта во окупирана Палестина...

„Амбасади“ од Луан Старова (2009)

Обајцата, еден со меч друг со перо, во еден долг период ќе ги обединува заедничката, света мисија, како ретко кои други во светот.

„Амбасади“ од Луан Старова (2009)

Најубавата професија е таа што ги обединува луѓето, се сеќавам на зборовите на Сент Егзипери.

„Амбасади“ од Луан Старова (2009)

Во обете мисии беше вложен животот како неизбежна жртва.

„Амбасади“ од Луан Старова (2009)

Времето на блиското пријателство меѓу Арафат и Дарвиш, кога ќе ги обединува истиот идеал - слободата на Палестина, според прагаматичната стратегија на семоќниот и авторитетен водач и идеалите на Махмуд Дарвиш, се совпаѓаше со времето од крајот на мојата младост и некогашните идеали - храбра понесеност, верување во универзална правда и хуманост, но и со доверената мисија, како највисок преставник на една голема држава на Балканот, обединета од своите национал-етнички сегменти, кои никогаш нема да се артикулираат во федеративна држава-нација.

„Амбасади“ од Луан Старова (2009)

Нив ги сврзуваат, ги обединуваат спонтаноста на доживувањето на „мотивот“, помнењето и обземеноста со него, и така слеани во едно требаше, тогаш, да го искажат неговото јадро, суштината на опеаниот настан - трагичната смрт на Рацин -, за да се обликува целината на реквиумот, на оваа, условно речено, мала, своевидна поема, на нејзиниот сензибилитет, на поетичката структура и јазик.

„Елегии за тебе“ од Матеја Матевски (2009)

Кога ќе соберам околу дваесет такви нуспроизводи, ќе направам изложба. okno.mk | Margina #17-18 [1995] 159 ЉУБА: Сите тие твои планови ги обединува една прекрасна специфичност: Тие секогаш како полуотворена врата, се затвораат од првото ветре.

„МАРГИНА бр. 17-18“ (1995)

Со други зборови, оваа книга ги обединува на едно место и најреномираните автори во македонската книжевност воопшто, и сѐ уште неафирмираните или недоволно познати за читателската публика, творци.

„МАРГИНА бр. 34“ (1996)

Во контекстот, оваа постапка на грандиозни слики, високи до таваните, ги обединува материјалните метафори на Смитхсон и херојскиот манир на Clifford Still.

„МАРГИНА бр. 34“ (1996)

Покрај тоа, погранични зони се под влијание на - а понекогаш и ги споделуваат - вредностите, идеите, обичаите и традициите на своите еквиваленти од другата страна на границата: „Границите ги делат луѓето кои живеат на двете страни, кои можеби имале долга историја на културни и социјални контакти, но во исто време тие нив ги обединуваат во искуството на блискост до границата и (делумна) зависност од неа“.70 70 Michiel Baud and Willem van Schendel, “Toward a Comparative History of Borderlands,” Journal of World History 8.2 (1997): 242. 56 6. 1 Привремени народи, раселени заедници Во пост-индустрискиот и сè поглобализираниот свет, веќе не можеме да се потпреме на единството, хомогеноста и заштитата „на дискретно ограничени нации, заедници, држави, идентитети и територии“.

„Простори на моќта“ од Зоран Попоски (2009)

Тие ја разоткриваат неточноста на големата „фикција“ на националната држава како етнички, расно, јазично и културно хомогена.

„Простори на моќта“ од Зоран Попоски (2009)

„Во градот имаат еколошко друштво „Студенчица“ што ги обединува сите еколошки секции.

„Тополите на крајот од дедовата ливада“ од Бистрица Миркуловска (2001)

Разрешување и крај на тие расправии стави јапонскиот напад на Перл Харбор на 7 декември 1941 година, кој само за еден ден ги обедини Американците и тоа посилно од што и да е во дотогашната нивна историја.