Колокации | Дигитален речник на македонскиот јазик

Но кога тој нараснал а таа почнала да поболува, морал сам да заработува за двајцата.

„Потковица на смртта и надежта“ од Миле Неделкоски (1986)

На своите осамени обиколки на синорот беше стигнал да се зближи некако со говедарката Ристана Голушкоска со син ѝ Димко Силистарко, па тие, не без сочувство за нивните страдања во туѓа земја и меѓу туѓинци, брзо ја разнесоа низ Потковицата: Додека бил Видан малечко и додека мајка му можела да работи, го водела со себе по белградските господарски куќи за да ѝ помага.

„Потковица на смртта и надежта“ од Миле Неделкоски (1986)

Толку се зближи и го засака искрениот, но според него наивен Камилски, кој со своето шпанско револуционерно минато, со хроничниот просоветизам, можеше лесно да се најде во непредвидливата и неизвесна стапица, на секогаш новата идеологија.

„Балканвавилонци“ од Луан Старова (2014)

Макар што Татко и Климент Камилски многу брзо се зближија најмногу благодарејќи на различните книги од нивните библиотеки, остануваше најпрвин да си ја кажат вистината за нивните дотогашни животи во духот на заедничката доверба која се зголемуваше од ден на ден.

„Балканвавилонци“ од Луан Старова (2014)

Како што се оддалечуваше од куќата, гневот и омрзата сѐ повеќе му растеа во него, зашто токму кога имаше намера да се зближи што повеќе со неа, дури да ја земе за жена, го откри нејзиното неверство; виде дека неговото отсуство во текот на неделата таа го делела со друг.

„Животраг“ од Јован Стрезовски (1995)

Најпосле, според моето верување, ова патување требаше да биде уште еден обид, барем пред лицето на светот, да се зближат Албанија и Југославија, односно Македонија земјата на среќниот егзил на моето семејство, при што требаше да ја провериме цврстината на можниот мост кој би ја заменил границата.

„Атеистички музеј“ од Луан Старова (1997)

Потоа ќе се школува кај скадарските језуити каде што ќе се зближи со западните јазици и култура.

„Атеистички музеј“ од Луан Старова (1997)

Враќањето во споменот кога малку повеќе се зближи со Бојана, го прекина Димитар со некој бајат виц и вештачкото смеење на Александра и Бојана.

„Браќата на Александар“ од Константин Петровски (2013)

Варзилото сам им го беше донел од бојаџиската чаршија на Тодора, на Паунка, и на мајката Јана, а кромидовите лушпи и цутовите од лутиче сам ги слупи и ги набра, и сѐ се радуваше дека жените ќе се зближат во радосното вапцување, а Тодора ќе ги отпушти дизгините.

„Вежби за Ибн Пајко“ од Оливера Николова (2007)

Одејќи кај нив, Профим се зближил со ќерката, и таа останала трудна.

„Свето проклето“ од Јован Стрезовски (1978)

Не, тие никогаш не биле среќни во Солун. Ни таа, ниту пак тој. Иако тој тоа никогаш не го признаваше.

„Светилка за Ханука“ од Томислав Османли (2008)

Таа не сакаше да се залажува: тие никогаш не го прифатија својот ашкенаски рабин, а ниту Цви некогаш се потруди подлабоко да се зближи со духот на своето стадо.

„Светилка за Ханука“ од Томислав Османли (2008)

- На пример, да се видиме, да се зближиме. - Еве, зближени сме, стол до стол. - Ама сами.

„Синовски татковци“ од Димитар Солев (2006)

Останаа општинскиот писар, лимарот Петар, Генералстап. Но со нив не можев да се зближам.

„Кловнови и луѓе“ од Славко Јаневски (1956)

Никогаш на овие предели на Балканот човекот не беше се зближил, не беше сраснал толку со некое животно.

„Времето на козите“ од Луан Старова (1993)

Затоа можеби и толку многу се зближи со татко ми.

„Времето на козите“ од Луан Старова (1993)

Се зближиле, значи, како што две млади жени можат да се зближат кога се тажни и осамени; едната, во очекување на парите од сладострастникот кој секој момент можел да наиде, втората, зафатена со белите чаршафи што мирисаат на сапун и веднаш се здрвуваат од штиракот штом ќе помине по нив врелината на пеглата ; почнале да си веруваат една на друга, да седат заедно кога се слободни, да се смеат, да плачат, - како сестри.

„Жената на белогардеецот“ од Србо Ивановски (2001)

Не мина многу време, Албанија се зближи, се збратими со Кина.