година (имн.) - мој (прид.)

Ги испитуваа со недели, месеци, години моите извештаи, меѓутоа никогаш не бев повикан на некаков разговор или сведочење.
„Патот на јагулите“ од Луан Старова (2000)
Иако знам дека од пред половина година мојата Миру, моето мало Огледалце е можеби птица, можеби цвет, а можеби дури и ѕвезда, многу сум тажен што не е со мене и многу ми недостига.
„Игбал, мојата тајна“ од Јагода Михајловска Георгиева (2000)
„Пред десет години моите ученици за Осми март ми ја подарија оваа љубичица - ја викаа афричка, јапонска, кинеска, егзотична - а јас си ја викам едноставно моја.
„Тополите на крајот од дедовата ливада“ од Бистрица Миркуловска (2001)
Од неа ми остана нејзиниот последен килим, темносин, како бојата на индигото, истата онаа боја што секоја вечер ја има на небото по зајдисонце, кога океанот крај Гоа и вселената над него се спојуваат во едно.
„Игбал, мојата тајна“ од Јагода Михајловска Георгиева (2000)