ДИГИТАЛЕН РЕЧНИК НА МАКЕДОНСКИОТ ЈАЗИК

Информациите за настаните во Кралството Југославија биле пренесени преку американските дописници кои се наоѓале во Кралството Југославија.

Секако дека реализацијата на договорот за окупација на делот на Македонија во рамките на Кралството Југославија од страна на бугарските војски, било следено и од страна на американските дописници кои се наоѓале во Бугарија.

Тие ја информирале американската јавност за влегувањето на бугарската армија во Македонија, „‘ослободена’ од германските трупи“, со една единствена цел – одржување на „редот и мирот меѓу населението“.

Нивните написи, по период од една и пол година, за првпат биле проткаени со оптимизмот дека воениот удар од 27 март 1941 година во Кралството Југославија ќе претставува пресвртница во војната, потенцирајќи дека југословенската војска, по формирањето на новата југословенска влада на генералот Душан Симовиќ, ќе може да му се спротивстави на можниот германски напад.