без (предл.) - грешка (имн.)

Како ревносен магационер правеше попис на неговите расположенија, нијансите во неговиот глас кои без грешка откриваа дали зборува со маж или со жена, кога некого одбегнува, дали и колку лаже или само крие.
„Сонце во тегла“ од Илина Јакимовска (2009)
Летка без грешка ја повторува азбуката.
„Продавница за љубопитните“ од Мето Јовановски (2003)
И појдовме кон гимнастичката сала; внатре имаше една скала и јас ја зедов и ја изведов точката без грешка: еднаш, двапати, трипати, со раширени раце се качував од едната страна на скалата, а слегував од другата.
„Папокот на светот“ од Венко Андоновски (2000)
- Мила – ја замолив – стани сега и оди да вежбаш, да не те караат после, а јас ќе ја прашам мајка ти дали ќе ми дозволи да те слушам. - Сакаш?
„Игбал, мојата тајна“ од Јагода Михајловска Георгиева (2000)
Вале е наставник по клавир во Музичкото училиште и ја сметаат за многу строга, оти барала од учениците да свират без грешка, а Мила тврди дека нејзе не само што не ѝ попушта туку со неа е најстрога.
„Игбал, мојата тајна“ од Јагода Михајловска Георгиева (2000)
Ама, полека, полека, навикнаа на плачењето и кога се принаближија до прозорчињата, пееја без грешка.
„Авантурите на Дедо Мраз“ од Ристо Давчевски (1997)
И така, ја сторивме работата. Без грешка. Како што сакаше Комитетот.
„Човекот во сина облека“ од Мето Јовановски (2011)
Па тогаш... нели, Зоки Поки е дете? Точно. Без грешка.
„Зоки Поки“ од Оливера Николова (1963)
Но гледам, гледам дека сте ми печени ... Навреме и без грешка ...
„Дружината Братско стебло“ од Јован Стрезовски (1967)
За секој писател најнепосредно зборуваат неговите дела, па затоа да ги слушнеме нашите рецитатори и литерати!“ ја отвори средбата Теми - возбудена, но без грешка.
„Тополите на крајот од дедовата ливада“ од Бистрица Миркуловска (2001)