на (предл.) - копање (имн.)

Секој поодделно ќе работи на копањето темели, мешање вар и песок, подавањето и помагањето на мајсторите.
„Крпен живот“ од Стале Попов (1953)
Почнаа да ме тераат на нива, на жнеење, на копање, прашење афион, истото ја тераа и Љубица.
„Три жени во три слики“ од Ленче Милошевска (2000)
Рече дека божем не спал цела ноќ, мислејќи на копањето. Не верував, но немав друг избор.
„Бунар“ од Димитар Башевски (2001)
Овој човек, вака слаб и жилав, триесет и две години стар, нехранет со силна храна, или пак слаб заради работата што ја работи, се нафаќа да се фати за гуша со оваа голема работа на копањето на бунарот, да слезе долу и да ја најде жилата на која јас веќе толку многу мислев и веќе повеќепати го доживеав моментот на појавувањето на водата, иако копањето не беше ни почнато.
„Бунар“ од Димитар Башевски (2001)
Ослободен од онаа напрегнатост во деновите на копањето, сега веќе без работници околу мене, повеќе од две недели мислев на повеста што требаше да ја напишам.
„Бунар“ од Димитар Башевски (2001)