и (сврз.) - свадба (имн.)

Има време, стопанкаму, ќе стигнеме дома, море и свадба ќе направиме, и ќе се напиеме.
„Крпен живот“ од Стале Попов (1953)
— Море кој ни дава нам чупе, сиромаси луѓе сме ние, попче, токо ете, вака, нека се живи пријатели, село и селани, и свадба ќе направиме, и госје ќе тераме.
„Крпен живот“ од Стале Попов (1953)
- Ќе има веридба и свадба ако даде Господ! - Амин, амин.
„Последната алка“ од Стојан Арсиќ (2013)
Тоа нечистивиот ти го стокмил: и свадбата, и сватовите, и ората, и даровите, виното, од кое ако си голтнал, ќе те голтнело лудото и ќе било чудото што ќе те такла по сокаците да ги прибираш облаците, ќе те чекале бајарки и попови по манастирите, по чардаците.
„Захариј и други раскази“ од Михаил Ренџов (2004)
Се обави и погребот и свадбата.
„Злодобро“ од Јован Стрезовски (1990)
Раскажуваше приказни со сладок вкус кои ја топлеа душата кога од селска стана градска, а пееше како славеј една песна за гугутката што им ја остави во наследство, со аманет да ја пеат по слави и свадби.
„И ѓаволот чита пРада“ од Рада Петрушева (2013)
Ете, вели сакаат да дадеме збор, па свршувачка, па и свадба - бел ф’стан сакаат да ѝ шијат“.
„И ѓаволот чита пРада“ од Рада Петрушева (2013)
Ќе има и свадби. И крштевки.
„Молика пелистерска“ од Бистрица Миркуловска (2014)
Жена му се спротивстави: „Ти знаеш - му рече - што што претрпе ќерка ти со еднаш одложена веридба”.
„Светилка за Ханука“ од Томислав Османли (2008)
Наскоро договоривме ерусин 15. Според обичајот, татко ѝ на Алегра реши помеѓу веридбата и свадбата да протече година дена, иако таа традиција веќе се напушташе.
„Светилка за Ханука“ од Томислав Османли (2008)