не (чест.) - разбере (гл.)

Ништо не разбра освен шумкари кој беше најчест збор во вестите.
„Ветришта“ од Радојка Трајанова (2008)
„Каде е Мила?” – прашувавме тогаш, но што станало со неа разбравме подоцна или – никогаш не разбравме вистински.
„Времето на козите“ од Луан Старова (1993)
Па зар не разбрале дека тој проклет ден „Д“ не се однесува на нив.
„Времето на козите“ од Луан Старова (1993)
Одоколу, јас божем да не разберам, си кажуваат дека сум готов.
„Балканска книга на умрените“ од Мето Јовановски (1992)
Не разбрав како дошле во оваа далечна земја.
„Патувања“ од Никола Кирков (1982)
Спасија ја виде неговата забуна, но не разбра одошто е.
„Послание“ од Блаже Конески (2008)
— Погрешија тие пезевенци, не разбраа работава, — просто почна да се правда.
„Толе Паша“ од Стале Попов (1976)
Славчо не разбра што му рече жабокот, па затоа протрча покрај него како да не го ни видел.
„Било едно дете“ од Глигор Поповски (1959)
Сепак, најмногу, секогаш кога од град ќе донесеше печено пиле, повторуваше едно нешто што брезничани никогаш не разбраа што може да биде: „Како можев“, велеше, „да заборавам да си ставам во сјуткејсот една воденица што ја велите вие, ама не за наут и уроф, туку за коски.
„Човекот во сина облека“ од Мето Јовановски (2011)
Таа (сосема сериозно, оти не разбра дека се шегувам!) рече дека – не.
„Папокот на светот“ од Венко Андоновски (2000)
Од овој одговор на татко ми не разбрав ништо повеќе и ми беше јасно дека ќе морам утре да го дочекам повторното доаѓање на тетка Рајна и неа да ја распрашам.
„Друга мајка“ од Драгица Најческа (1979)
Како дошло до неговата смрт во валканите води на Златниот Рог, не разбрав.
„Захариј и други раскази“ од Михаил Ренџов (2004)
Кај исчезнаа сватовите, каде исчезнаа младенците, кај поштук фатија свирачите, до ден денешен не разбрав, а прашував, и до ден-денешен прашувам.
„Захариј и други раскази“ од Михаил Ренџов (2004)
Уште повеќе што Централниот комитет изречно ми заповеда - Младичот никогаш да не разбере дека го убил токму него, Ѓорчета Петров.
„Црнила“ од Коле Чашуле (1960)
ФЕЗЛИЕВ: (За себе.) Да не разбере дека го убил Ѓорчета Петров! Како Ѓорче да не е Ѓорче, туку игла.
„Црнила“ од Коле Чашуле (1960)
Стори цели дванаесет години како професионален терорист и уште не разбра...
„Црнила“ од Коле Чашуле (1960)
- Чудно, - повторно ломотењето го продолжи Душка - никогаш не разбравме за причината на нивната разделба.
„Последната алка“ од Стојан Арсиќ (2013)
По тој случај се чу дека ги фрлил алиштата и избегал. Никој не разбра кај избега Секуле Дамјановски.
„Пиреј“ од Петре М. Андреевски (1983)
Разбра или не разбра, ќе ми вели. Ако не разбра, и тебе ќе ти речам: пире, пире, и ти ќе влезеш во купчено, вели.
„Пиреј“ од Петре М. Андреевски (1983)
- Сватеци ајдуци? - Не, туку светци за икони.
„Пупи Паф во Шумшул град“ од Славко Јаневски (1996)
- Не разбрав, - рече Барбут- бег. – Со што ќе ни платите, почитувани муштерии?
„Пупи Паф во Шумшул град“ од Славко Јаневски (1996)
Аритон Јаковлески малку како да позастана, како да не разбра, некако неодредено погледот му залута по салата, а потоа се закова на оној ѕид каде што висеше домскиот часовник.
„Големата вода“ од Живко Чинго (1984)
Ги држи ли некој од онаа страна?“ „Од која страна?“ несигурно праша. „Од онаа што не се гледа.“ Не разбра и се сети.
„Месечар“ од Славко Јаневски (1959)
Арафат заминал, Бургиба свртувајќи се кон својот министер Бен Сајах, кој го следел разговорот, загрижено му рекол: Каква несреќа! Па тој ништо не разбра.
„Амбасади“ од Луан Старова (2009)
Бургиба во тој момент го погледнал својот часовник и му рекол на угледниот гостин: Побрзајте за да не задоцните за вашиот авион.
„Амбасади“ од Луан Старова (2009)
Тој не разбра дека континуитетот на една олигархија не мора да биде физички, ниту пак застана да помисли дека наследните аристократии биле секогаш кусовечни, додека пак приспособливите организации, каква што е Католичката црква, понекогаш опстојуваа стотици или илјадници години.
„1984“ од Џорџ Орвел (1998)
Тие беа задолжени да состават нешто што се нарекувше Меѓу-извештај, но што беше точно тоа за што тие известуваа, никогаш не разбра сосем.
„1984“ од Џорџ Орвел (1998)
Она што најмногу го засегаше, како еден вид ноќна мора, беше дека тој никогаш не разбра сосем зошто се прави таа огромна измама.
„1984“ од Џорџ Орвел (1998)
Тода зеде уште неколку китки од бунарот и ѝ донесе на Нешка, која не ги врати и отворено призна дека го сака Крлета, ама ја страв да не разбере мајка и.
„Крпен живот“ од Стале Попов (1953)
— Е, ќерко, лели до тамо си а дотерала работата, гледај — прави побрго нека биде, да не разберат светот да ти се смеат!
„Крпен живот“ од Стале Попов (1953)
Ама и јас, жими душа, не разбрав докрај што се случува.
„Ервехе“ од Луан Старова (2006)
„Што да кажам?“ не разбра. „Кој пукаше во тебе?“
„Две Марии“ од Славко Јаневски (1956)
Јас и денес не разбрав што бара од мене.
„Желките од рајската градина“ од Србо Ивановски (2010)
А руменото Розе божем беше загледана во неговата приказна со таква незаинтересираност и со таков парчосан поглед, што Раде и вистински поверува дека таа ништо не разбра.
„Желките од рајската градина“ од Србо Ивановски (2010)
Никогаш не разбрав што сака од мене. (Пауза) После загина во кола на враќање од ебење со швалерката. Таа остана жива.
„Одбрани драми“ од Горан Стефановски (2008)
СОЊА: Е не сум заменик советник. Цел живот не разбрав што работеше.
„Одбрани драми“ од Горан Стефановски (2008)
Некој рече дека ги донесоа од државите. Јас не разбрав што значеше тоа.
„Големата удолница“ од Петре Наковски (2014)
Во неа да си го гледаш валканото лице, во неа да си ја гледаш муцката валкана, сурлата да си ја гледаш во неа, разбра или не разбра, а?!
„Големата удолница“ од Петре Наковски (2014)
Заминаа, разбра аљ не разбра!? - Што? Замина? Ами, како така замина без леб?
„Големата удолница“ од Петре Наковски (2014)
- Зошто не објаснуваш поопширно? Ништо не разбрав, од каде сега пак јас да знам што е тоа: полово созревање?
„Јас - момчето молња“ од Јагода Михајловска Георгиева (1989)
Разбра? - Ништо не разбрав, - признав и го оставив на мира катанецот од велосипедот.
„Јас - момчето молња“ од Јагода Михајловска Георгиева (1989)
Јас ништо не разбрав за душата за Рајот Божји каде што е сега Наум, но сфатив дека мора да е некаде многу далеку и дека старичката одамна го нема видено.
„Јас - момчето молња“ од Јагода Михајловска Георгиева (1989)
Не разбрал колку е слатко јадењето кога си гладен.“
„Небеска Тимјановна“ од Петре М. Андреевски (1988)
И разбрав и не разбрав, што се вели.
„Небеска Тимјановна“ од Петре М. Андреевски (1988)
Не разбрав. Поим не сум имала дека брат ми се движи во такви друштва. Тоа ми се стори многу опасно.
„Игбал, мојата тајна“ од Јагода Михајловска Георгиева (2000)
- Немој, бато, те молам! Не прави глупости, оние луѓе крај огнот, не знаеш ти колку страшни изгледаа тие! Можете да настрадате!
„Игбал, мојата тајна“ од Јагода Михајловска Георгиева (2000)