засили (св.)
Природно е дека ќе ги употреби Грција сите дипломатски патишта за да се задржи во Македонија на тие позиции, каде што се наоѓа од средните векови, особено од времето на турското завладување на Македонија, а грчките интереси во Македонија се бранат не од една Грција, а и од големите сили што не сакаат да се засили словенскиот елемент.
„За македонцките работи“
од Крсте Петков Мисирков
(1903)
Бугарите го зголемија буџетот на Егзархијата од појавата на српската пропаганда: со други зборови ја засилија нивната пропаганда и нивните интереси во Македонија.
„За македонцките работи“
од Крсте Петков Мисирков
(1903)
Каравлашко не може рамнодушно да гледа на засилувањето на Бугарија со давањето автономна управа на Македонија.
„За македонцките работи“
од Крсте Петков Мисирков
(1903)
Патријаршијата испрати во овие села свои, грчки даскали; грчкиот владика во Битола запопи свои попови во секое село, и преку архиготите и капиданите од андартите ја засили пропагандата за погрчување.
„Крпен живот“
од Стале Попов
(1953)
Ете, од овие причини — за да ја засили б'лгарштината по Мариово — Егзархијата отвори третокласно училиште и пансион во самото Витолишча, но, тоа таму не можеше да се одржи.
„Крпен живот“
од Стале Попов
(1953)
Ова идење се засили и зачести откако попот ја напушти Жиовчевата куќа.
„Крпен живот“
од Стале Попов
(1953)
Кога освен својата почувствува и туѓа крв, се засили уште повеќе.
„Кловнови и луѓе“
од Славко Јаневски
(1956)
По огромните докови се засили вревата... Река од забрзани луѓе, камиони, возови и бродови...
„Бојана и прстенот“
од Иван Точко
(1959)
Пукањето се засили. Гласовите наближуваа.
„Бојана и прстенот“
од Иван Точко
(1959)
Трубата одекна. Вревата се засили. Гласни извици. Протести.
„Бојана и прстенот“
од Иван Точко
(1959)
XXV. ... Беа едни сосема далечни и благи, едни речиси неосетни трепети од некаков тивок топол повеј; минуваа долго и лесно низ целата негова снага, а потоа сите му се насобираа на лицето и сега му застанаа тука и почнаа да се засилуваат и да го греат.
„Белата долина“
од Симон Дракул
(1962)
Тоа се засили многу повеќе кога Језекил дојде на неговото место, кога стана бригадир.
„Белата долина“
од Симон Дракул
(1962)
Крикот се засили. Доаѓаше од височините, од снегот, од кон северната страна на Глогов Валог.
„Бојан“
од Глигор Поповски
(1973)
Кон ужина пристигна и засилувањето на Бахтијара и со него Велиага од Маково со своите катили, кој од „Бучкур" почна да му вика на Толевиот четник и другар Петка Кормакот од Маково: — Предај се Петко, брееееееј!
„Толе Паша“
од Стале Попов
(1976)
Снегот се засилуваше. Се возеше бавно и тогаш си помислував, ако вака бавно се вози ќе ни требаат уште неколку дена патување до Берлин.
„Патувања“
од Никола Кирков
(1982)
Почетокот нека носи набој на наговестувања. Подоцна, само засилувај ја сликата.
„Младиот мајстор на играта“
од Александар Прокопиев
(1983)
Северецот се засилуваше и довлечкуваше сѐ повеќе студ.
„Јанsа“
од Јован Стрезовски
(1986)
Како засилување на програмата ја доведоа и Маша Русланова, примадона на рускиот мелос. Жена на генерал Русланов.
„Небеска Тимјановна“
од Петре М. Андреевски
(1988)
Моторот се засилува, а и огнот се засилува.
„Небеска Тимјановна“
од Петре М. Андреевски
(1988)
И една подла болка само да ме врти, да се засилува: од зглобот ќе ми избега ногата.
„Небеска Тимјановна“
од Петре М. Андреевски
(1988)
