китка (ж.)
И сја криех во градина, зад макови китки, ил' под ружи г'столисти тулех сја как зајац.
„Крвава кошула“
од Рајко Жинзифов
(1870)
Ја гледаш Симка? Чиста ти ја давам како роса, како солза, како китка босилек!...
„Печалбари“
од Антон Панов
(1936)
Подај ми китка, китка босилок, Китка босилок, гранка карамфил!
„Парите се отепувачка“
од Ристо Крле
(1938)
Ој ти, девојче, лично девојче, Подај ми китка, китка босилок.
„Парите се отепувачка“
од Ристо Крле
(1938)
Тутуни - жлти отрови за гради - китки розови.
„Бели мугри“
од Кочо Рацин
(1939)
Ја слези, Малино моме, подолу, еј на подолното кладенче, набери китка босилек, подај ми да помирисам.
„Од борбата“
од Блаже Конески
(1950)
Убави, милите лисичиња зелени, мили, мили милиии!“ — се разговараше Нешка, се разговараа две китки која од која поросни, помлади, поцрвени, поубави, а мислите на Нешка ѝ беа таму далеку во планината, во Зелка, во Ѓурѓишта, во Ѓурѓовиот камен, Козјак, Трибор, Перун, негде, негде во Рожденската или Книнската планина, каде што он, тој мочко нејзин, бере дрва со магарињата и нови, нови, стопати поубави китки ќе и донесе нејзе да ја израдува, оти преку нив таа го имаше и го чувуваше самиот него.
„Крпен живот“
од Стале Попов
(1953)
За да му даде доказ на Крлета дека Нешка ги прима неговите китки, таа ја кандиса и она да му прати нешто.
„Крпен живот“
од Стале Попов
(1953)
И кога Тода еднаш и донесе китка цвеќе со алова врвца зрзано.
„Крпен живот“
од Стале Попов
(1953)
Како што спомена во една ноќ мртва птица и китка гладиоли.
„Две Марии“
од Славко Јаневски
(1956)
Го китеше на Велигден со разни китки од предено; му сплете и убави шарени калци; му ја навеза ќурдијата; му ја чешлаше дури и косата претставувајќи си го секогаш своето братче Ѓелета.
„Калеш Анѓа“
од Стале Попов
(1958)
Ѝ однесе прва китка испратена од Јована. Потоа огледалце, чешле, мониста.
„Калеш Анѓа“
од Стале Попов
(1958)
Китките од шарената узда му паѓаа над очи и мошне го нервираа, но знаеше што носи на себе, та не се осмелуваше да прави што сака Свиленото сеџаде светеше врз седлото, а златните пулејќи на уздата ласкаа на есенското сонце.
„Калеш Анѓа“
од Стале Попов
(1958)
Го наследија близнаците Крловац од некој свој роднина добротвор и наследија една колиба со многу ненужни предмети: дрвена вила, дрвена лажица, дрвен чанак, дрвен триножец, земјана стомна, земјено грне, стар календар со избледена слика на некаква кралица и сѐ така нешто бесцелно и без функција во еден живот на кој му припаѓаа - колекција на разнобојни срчи од прозорците на некоја градска црква, урната во војната, китка суви непознати треви, куп черги, војнички шлем, карбитена ламба.
„Месечар“
од Славко Јаневски
(1959)
Крај нив минаа група жени во црно завиткани и со жолти китки в раце.
„Месечар“
од Славко Јаневски
(1959)
Беше планински чај, Змејко летоска го имаше брано по висовите и камењарите над рудините уште нераспупен, го береше за дома, но секогаш остануваше и тука по некоја китка да се најде.
„Белата долина“
од Симон Дракул
(1962)
И Змејко не еднаш можеше да види, додека шетаа по оние големи дуќани и додека разгледуваа сѐ што имаше таму, како една рака се изделува од нивната китка и посега таму, каде што не ѝ беше местото.
„Белата долина“
од Симон Дракул
(1962)
Сѐ, што можеше да донесе во својата собичка, беше една китка брст, што ја накрши кога сети на своето срнче, и една лута болка во сите зглобови, во сите глуждови, од која што колениците се превиткуваа сами.
„Белата долина“
од Симон Дракул
(1962)
Со белава од мене, со црвенава од Златко. Чичкото ги зема китките.
„Билјана“
од Глигор Поповски
(1972)
Отсечува две китки од трендафилите, црвена и бела.
„Билјана“
од Глигор Поповски
(1972)
