недалеку (прил.)
Ги видов недалеку од дрвеното мовче на Вардар, чекореа кон мене.
„Улица“
од Славко Јаневски
(1951)
Секако го пренесуваше од куќата на својот мајстор во слаткарската работилница, недалеку оттука.
„Улица“
од Славко Јаневски
(1951)
Сега по толку време, во еден полусон, во темна непроветрена соба, пред болката на еден памучен палјачо, многу повеќе жив отколку восочните анатомисти на Рембрант, се сети дека убиениот го закопа крај патот недалеку од она што не беше ни глог ни камен туку пенушка.
„Две Марии“
од Славко Јаневски
(1956)
Не отиде далеку. Овчарите го знаеја тоа и се приготвија да ѝ постават заседа недалеку од трлата.
„Кловнови и луѓе“
од Славко Јаневски
(1956)
Кога ѕвонењето се оддалечи, шарпланинецот забележа сенка недалеку од темниот глог.
„Кловнови и луѓе“
од Славко Јаневски
(1956)
Недалеку од нив се сончаше рано излезен гуштер. Го погледна.
„Две Марии“
од Славко Јаневски
(1956)
Јасно можеше да се чуе шумот на селската река, која недалеку безгрижно ја продолжуваше песната на убавата пролет.
„Бојана и прстенот“
од Иван Точко
(1959)
Недалеку од нив еден ситноглав и беззаб старец со сламена шапка и матна болка на сувите, пропаднати образи, милуваше на своите коленици ранета грлица.
„Месечар“
од Славко Јаневски
(1959)
Се сретнаа недалеку од наредените црвени автобуси опседнати од шаренолика толпа и застанаа еден наспроти друг, со испитувачки погледи и затворени секој во себе. „Па здраво“, зачекори кон него Отец Симеон, гаменски исправен и со забуцани раце во длабоките џебови.
„Месечар“
од Славко Јаневски
(1959)
Хирургот Никола или?... Не знаеше дека му готват стапица и се сеќаваше - ја испрати Јана до циганскиот крај на крај на град и шарајќи со очи по разнобојните мали куќички и ги стисна рацете: „Се каеш ли?“ Недалеку од нив голомешесто Циганче со стар, ноќен сад на глава, сонуваше да стане војник.
„Месечар“
од Славко Јаневски
(1959)
Беше постојано свесен за брзината, со која што можеше да се случи сѐ, што требаше да се случи, сега, кога тој беше толку многу откриен на голината, пред она, што беше скриено тука, недалеку, од леските.
„Белата долина“
од Симон Дракул
(1962)
Во зоолошката градина, недалеку од тревното царство на пауните, од студентските дни Pavo kristatus, најдоа свој човек со смачкана глава. Без докази.
„Забранета одаја“
од Славко Јаневски
(1988)
Недалеку плаче дете, му се оѕвива шумата.
„Небеска Тимјановна“
од Петре М. Андреевски
(1988)
Еден голем трупец пловеше недалеку од мене.
„Јас - момчето молња“
од Јагода Михајловска Георгиева
(1989)
Трска, со тие негови долги нозе, за миг се најде крај Окомен и, како да гасне догорче од цигара, со петицата му ги здроби очилата поднати недалеку од него.
„Јас - момчето молња“
од Јагода Михајловска Георгиева
(1989)
7 Недалеку стоел со чело потпрен на карпа најмладиот меѓу нив, шеснаесетгодишниот Лозан Перуника, сирак и терач на туѓа запрега. Плачел.
„Тврдоглави“
од Славко Јаневски
(1990)
Онисифоровата молитва стасувала до нив како нејасно мрморење на некој жуберникав поток недалеку од нив.
„Тврдоглави“
од Славко Јаневски
(1990)
Две бесилки на крај град, недалеку од патот што течел кон Кукулино, ги ванѓелосале луѓето.
„Тврдоглави“
од Славко Јаневски
(1990)
Два албатроси недалеку се тегнеа околу една стара кондура.
„МАРГИНА бр. 26-28“
(1996)
Херб Меим, кој седеше недалеку од нив, на својата работна маса, рече: „Тој сака да каже дека мозокот тогаш ја граби онаа просторна вселена која ќе се најде најблиску, која е најдофатлива.“
„МАРГИНА бр. 10“
(1997)
