педагошки (прид.)
Бино Антонов даскалот на Витолишча немаше којзнае каква педагошка подготовка и особена школа.
„Крпен живот“
од Стале Попов
(1953)
Средното образование го оформи во Битола, дипломираше на Педагошката академија во Скопје.
„Луман арамијата“
од Мето Јовановски
(1954)
Ведро поколение, помисли Отец Симеон. Педагошки настроено.
„Месечар“
од Славко Јаневски
(1959)
Ќе имав можност да викам, да плачам, дури и да се навредам, да им префрлам дека се бездушни, дека тепаат дете, дека тоа не е педагошки...
„Клучарчиња“
од Бистрица Миркуловска
(1992)
Укинувајќи го стариот и воведувајќи го латинскиот алфабет, Ататурк на интересен начин ги поврза педагошкото и перформативното. 16 okno.mk
„МАРГИНА бр. 36“
(1997)
Нацизмот постави мера на апсолутна социјализација незабележана дури ни во педагошките учебници.
„МАРГИНА бр. 35“
(1997)
Тие разговараа за женски работи, од козметички препарати до педагошки постапки, но сега Маре рече: - Сите мажи зборуваат или за политика или за спорт.
„Синовски татковци“
од Димитар Солев
(2006)
Но Гого, сосема случајно, онака патем или под јазик, разбра дека токму тие биле против него, со образложение дека е толку темпераментен што е просто напросто неорганизиран, а како педагошки правилно ќе влијае врз децата, кои во начело, нели, треба да се подложуваат на дисциплина, па и на ликовната дисциплина; тоа се однесувало на практичната настава, а пак што се однесувало до теоретската, познато е дека односниот бил потпросечен по успех уште во своето школување, па секој незавршен студент по историја на уметноста би бил посоодветен од него.
„Синовски татковци“
од Димитар Солев
(2006)
Тоа лето Рада доби многу поголема слобода. Одличниот успех ѝ овозможи без проблем да се запише на Вишата педагошка школа.
„Последната алка“
од Стојан Арсиќ
(2013)
- Студентка. Студирам на Педагошката академија во Скопје, одделенска настава.
„Последната алка“
од Стојан Арсиќ
(2013)
Патот од студентскиот дом до Педагошката академија и читална ѝ беше вообичаен.
„Последната алка“
од Стојан Арсиќ
(2013)
Ми беше предложено како поранешен дипломец по педагошки студии да работам на докторска дисертација...
„Балканвавилонци“
од Луан Старова
(2014)
Тој не можеше да доживее целосна рехабилитација, односно да му ја вратат универзитетската професура и местото шеф на Катедрата за педагошки науки при Филозофскиот факултет.
„Балканвавилонци“
од Луан Старова
(2014)
Изгубив надеж дека некој ќе се сети да ме врати на Универзитетот, во мојата иницијална педагошка професија.
„Балканвавилонци“
од Луан Старова
(2014)
