чичо (м.)
СТОЈАНКА: Многу арно, чичо Арсо. За мила убавина! Зрното слатко како мед.
„Чорбаџи Теодос“
од Васил Иљоски
(1937)
Беличот веднаш зацрпи со грст од рибите и му ги подаде: – На, чичо.
„Бегалци“
од Јован Бошковски
(1949)
Сакаме на каналот, па не знаеме откај се оди, - одговори бргу Беличот. – Чичо, да не знаеш да ли одовде е поблизу?
„Бегалци“
од Јован Бошковски
(1949)
Само ако те гибне мајка ти, ќе виде она како чичо ќе а натепа!
„Крпен живот“
од Стале Попов
(1953)
Ене ја сега виси закачена на ѕидот. - заврши чичо Никола.
„Било едно дете“
од Глигор Поповски
(1959)
Мишко не можеше да издржи а да не му каже на брата си дека чичо Никола отепал лисица.
„Било едно дете“
од Глигор Поповски
(1959)
Децата сигурно уште долго ќе се маваа со снег ако на вратата не се покажеше татко му на Цане, чичо Никола.
„Било едно дете“
од Глигор Поповски
(1959)
- Па ова не е тоа? - се насмеав подбивно, - ова беше џудо зафат, нели Чичо?
„Јас - момчето молња“
од Јагода Михајловска Георгиева
(1989)
Еден од оние денови кога бевме под власт на тетка Ана, наминуваа до кај нас чичо и Борче, го зедоа нашиот автомобил што неупотребуван стоеше пред зградата, зашто чичо постојано нема што да вози: сите автомобили ги купува настаро и сѐ нешто ги поправа и преправа, а постојано оди пеш.
„Јас - момчето молња“
од Јагода Михајловска Георгиева
(1989)
„Многу убаво!“ рече Љупчо. „Му купивме книга - Колибата на чичо Том.
„Клучарчиња“
од Бистрица Миркуловска
(1992)
Тета Дитка имаше право. И последното, душманско искушение, чичо Ѓорѓи го ублажи со музика. Веќе искашлуваше крвави грутки.
„Слово за змијата“
од Александар Прокопиев
(1992)
Чичо Диониш, како што таа го викаше старчето, никако да сфати дека се вратија во Македонија, постојано прашуваше, на влашки Кој ни ја зеде куќата?
„Исчезнување“
од Ташко Георгиевски
(1998)
Роса го смируваше со благи зборови Ти да не се плашиш чичо Диониш, с врнаме на истото место.
„Исчезнување“
од Ташко Георгиевски
(1998)
Пред полноќ почнаа да се собираат. Најпрвин маалските деца, поспретни во рацете, со нив нивните татковци, чичовци и вујковци, од сите вери и народности. Женското лоби, со плетала, во задните редови.
„Сонце во тегла“
од Илина Јакимовска
(2009)
- Не ме бива чичо - рече!
„Ласа“
од Наташа Димитриевска Кривошеев
(2011)
Велеа: човекот не е птица. Авионите се за летање, а децата се за да викаат: Чичооо, пушти летки! Лет, лет буба маро...
„Ситночекорка“
од Ристо Лазаров
(2012)
Цела ноќ се распрашуваа за роднините, за брат му, тате, мама, чичо, за челадта, за живеачката, сѐ до првите петли.
„Последната алка“
од Стојан Арсиќ
(2013)
Среќен роденден срце на мама и тато, сонце на баба и дедо,на тета и чичо злато.. .Joyeux DEUXIEME anniversaire ma PRINCESSE Joyeux anniversaire le coeur de maman papa, soleil de baba et dedo , tresor à tata et tonton...
„Поетски блесок“
од Олга Наумовска
(2013)
