ежи (несв.)
Околните планини крваво отсјајуваа. И Кајмакчалан се ежеше крвав во далечината.
„Бојана и прстенот“
од Иван Точко
(1959)
Му идеше во телото студенило и од тоа му се ежеше кожата.
„Пустина“
од Ѓорѓи Абаџиев
(1961)
Но и после, и кога беше совладан од тешкиот сон, таа црвојадина продолжуваше да го глода и да ги населува неговите соништа, терајќи го и таму, и во соништата, да продолжува да се ежи и да се преметнува, да стенка и со некакво чудно завивање да им се одѕива на сите оние расплакани и закискани од ветерот лелеци на дивината надвор.
„Белата долина“
од Симон Дракул
(1962)
Висеше над нив, а во очите му се пикаше сето она крваво распарчување, од кое никако не можеше да избега, кое што мораше да го гледа и од него да се ежи.
„Белата долина“
од Симон Дракул
(1962)
- А рече ти се ежи кожата. Од што?
„Бојан“
од Глигор Поповски
(1973)
- Ќе ти покажам едно место, - рече Бојан. - Мене таму секогаш кожата ми се ежи, кога ќе помислам...
„Бојан“
од Глигор Поповски
(1973)
Се исплашија луѓето и отрчаа на брегот, се искачија кај дувалото да видат што се случува, како дошло до избивање на чад. Гледаат како чадот излегува, се ежат, стравот им лази по коски, слегуваат од брегот исплашено, панично.
„Јанsа“
од Јован Стрезовски
(1986)
Дај ми собитие што говори за лоши дела, и јас веднаш, под дланката ќе сетам темни букви, гласови темни, пискотници, студени слова од кои кожата се ежи; дај ми слово божествено и богоугодно, за големи подвизи што зборува, и јас веднаш под раката чувствувам гласови светли, букви топлокрвни, оган во писмото чувствувам, како кога љубениот на саканата писмо ѝ пишува.
„Папокот на светот“
од Венко Андоновски
(2000)
Се ежев од помислата на близината на ѕвероликите и од сознанието или сомнежот дека нивното седење и молчење има некаква цел.
„Захариј и други раскази“
од Михаил Ренџов
(2004)
Ги ишкаше орлите и соколите, се ежеше од помислата на невестулките и на сѐ живо и диво што можеше да им напакости.
„Захариј и други раскази“
од Михаил Ренџов
(2004)
Кога врвев над амбарите, под душемето, се ежев сиот зашто кога сакаа да нѐ смират, старите ни велеа дека ќе нѐ фрлат во амбарите, во кои живеат и се кријат големи, троглави змии што ќе нè проголтаат на трепнеж.
„Захариј и други раскази“
од Михаил Ренџов
(2004)
Интересен е фактот дека многумина се ежат од мовестата кожичка.
„Читај ми ги мислите“
од Ивана Иванова Канго
(2012)
Се ежиш, се кострешиш како мачка на кров.
„Читај ми ги мислите“
од Ивана Иванова Канго
(2012)
Бараме суперјунак, луѓе, дуго чаре нема. од злотвори косата ни се ежи.
„Портокалова“
од Оливера Доцевска
(2013)
Нешто го стегна за грло, а Ѓорѓи почувствува како му се ежи косата, како ладна пот му потече по чело и лице и нозете веќе не го држат.
„Големата удолница“
од Петре Наковски
(2014)
