журка (ж.)
Екстази почнува како кога се подготвуваш на добра журка со некого кој навистина ти се допаѓа.
„МАРГИНА бр. 6-7“
(1994)
Со намера да им се зголеми публицитетот, што им беше повеќе од потребно, Ники Хаслам со уште неколку пријатели одлучи да направи голема журка во студиото на Џери Шатберг на Јужната Парк Авенија, една вечер пред “Шоуто на Ед Саливен”.
„МАРГИНА бр. 11-12“
(1995)
Над Баунти барот во ек е журка. Многу џин и многу досада.
„МАРГИНА бр. 11-12“
(1995)
Вива продолжи да зборува за филмот и за тоа како игра еден андерграунд филм-мејкер во сцена на журка, на која Џон Војт ја запознава Бренда Вакаро.
„МАРГИНА бр. 17-18“
(1995)
Сето тоа изгледаше како една журка да упаѓа во друга.
„МАРГИНА бр. 15-16“
(1995)
Јас во тоа време бев познат по тоа што со себе, посебно на журките, носев најмалку по дваесетина луѓе.
„МАРГИНА бр. 15-16“
(1995)
Ерик одеше да скија на вода со Џерард и дојде на една журка со нас.
„МАРГИНА бр. 15-16“
(1995)
Кој знае не ли ќе се сретнат еднаш тие на вселенска журка, на која Сатурн и Венера ќе пеат своја песна: Сонцето ум изгубило и се заљубило!
„Пупи Паф во Шумшул град“
од Славко Јаневски
(1996)
„Наместо последната третина од животот да ја минуваме во страв, слабост и беспомошност, мислам дека последната третина треба да биде триумфална свеченост со журки и веселби.
„МАРГИНА бр. 34“
(1996)
Сега е најважно да се подготвиме за големата журка на која што ќе има богата културно уметничка програма.
„Филтер Југославија“
од Константин Петровски
(2008)
Просветниот кадар, за да им докаже на сесловенските просветители (кои биле од македонска народност, како што пред некој ден нѐ информира една телевизија) колку ги цени, организираше журка.
„Филтер Југославија“
од Константин Петровски
(2008)
У секоја пригода, а посебно на журките и забавите, сите се насмеани. Немаш ниеден мргуд околу себе.
„Тибам штркот“
од Зоран Спасов Sоф
(2008)
Ќе помислат луѓето на журка ги викаме, со Ред бул место малихерки ќе се појават на Мечкин камен.
„Сонце во тегла“
од Илина Јакимовска
(2009)
Не помина долго време Спасе го викна на една домашна журка во населбата Жганец.
„Двоглед“
од Горан Јанкуловски
(2011)
Журката заврши, а после 7-8 коњака Трпе веќе се најде во автомобилот на Ратка.
„Двоглед“
од Горан Јанкуловски
(2011)
- Доаѓај вечер у 9, ќе има јаки путки на журката.
„Двоглед“
од Горан Јанкуловски
(2011)
Со господинот Тихомир од Машкото друштво „Осамени срца“ Азра се запозна пред три месеци на една журка што ја организираше оваа асоцијација во бараката на синдикалната подружница во населбата Расадник.
„Полицајка в кревет“
од Веле Смилевски
(2012)
На тортата свеќички прекрасни ќе ставам со моите другарки журка ќе си правам.
„Поетски блесок“
од Олга Наумовска
(2013)
Што сум јас виновна што запознав толку луѓе, се дружев со нив и одев на журки.
„Знаеш ли да љубиш“
од Ивана Иванова Канго
(2013)
Горан знаеше по седум пати да им се јавува на девојки кои не сакаат ни под разно да излезат со него, да ги застанува колегите во факултетските ходници и да ги гњави со тоа како за малку ќе го положел испититот ама ете немал среќа, и згора на сето тоа, професорот го мразел и да се фали со тоа дека оди на журки кои се посетувани од битни велеградски фаци.
„Браќата на Александар“
од Константин Петровски
(2013)
