планирање (ср.)
Меѓутоа, Мисирков не е против Организацијата: тој беше само категорички против продолжувањето на неподготвеното и ненавремено народно востание, како и против планирањето ново востание за идната пролет, за коешто пишуваше печатот и за кое зборуваа некои наши револуционери. 47.
„За македонцките работи“
од Крсте Петков Мисирков
(1903)
Во моментот на планирањето на иднината, во кабинетите на Партијата, козите слегуваат во главниот град: оваа бела пацифистичка инвазија ги вознемирува и шармира духовите.
„Времето на козите“
од Луан Старова
(1993)
Нарациите кои се користат во работата со пациентот и другите учесници на терапијата понекогаш можат да бидат несоодветни за планирање на успешно решение.
„МАРГИНА бр. 6-7“
(1994)
Дишан темелно ги разработил реди-маде, и самото негово творење за него претставуваше еден вид рандеву: ...планирањето на моментот што доаѓа (тој и тој ден, датум, момент) за да се внесе нов реди-маде. 1916 година, тој напишал серија од четири разгледници, во кои ја следеше веќе постојаната синтакса, но, сепак ги измени зборовите, така што резултат на сето тоа беа реченици кои немаа никакво значење.
„МАРГИНА бр. 8-9“
(1994)
Достигнување макар и на предградијата на рајот бара добра навигација и планирање од твоја страна.
„МАРГИНА бр. 32-33“
(1996)
Некои од нив се занимаваат едноставно со планирање на логистиката за идните војни; други изумуваат сѐ поголеми и поголеми ракетни бомби, сѐ помоќни и помоќни експлозиви и сѐ понепробојна оплата за блиндираните возила; други бараат нови, сѐ посмртоносни гасови или порастворливи отрови, што ќе можат да се произведат во доволно големи количества за да се уништи вегетацијата на цели континенти, или сорти на вируси што ќе предизвикуваат болести, а ќе бидат имуни на сите можни антитела; трети се трудат да произведат возило што ќе си го пробива патот под земјата, како подморницата под водата, или авион што ќе биде исто толку независен од својата база, колку што е бродот на едра; четврти ги истражуваат дури и подалечните можности, како што е фокусирањето на сончевите зраци преку леќи што ќе бидат поставени илјадници километри далеку во вселената, или предизвикувањето на земјотреси и бришечки бранови преку заробување на топлината од земјаното јадро.
„1984“
од Џорџ Орвел
(1998)
Како конспиративна организација била поделена во три секции: СОЕ1 која била задолжена за пропаганда, СОЕ2 задолжена за изведување на операции и СОЕ3 задолжена за планирање.
„Британските воени мисии во Македонија (1942-1945)“
од Тодор Чепреганов
(2001)
При планирањето на секоја акција преку радиоврска биле консултирани британските офицери на самото место.
„Британските воени мисии во Македонија (1942-1945)“
од Тодор Чепреганов
(2001)
Од средината на мај до август 1941 година главната активност на четниците се состоела во планирање за вршење на мобилизација, собирање и уредување на скривници за оружје и муниција, опрема за врска и друго.
„Британските воени мисии во Македонија (1942-1945)“
од Тодор Чепреганов
(2001)
И ете ти самостојна куќа, приватна ординација, деца по демографско планирање, викендичка за летување и коли за секој одделно.
„Синовски татковци“
од Димитар Солев
(2006)
Сè поголемата комодификација на јавниот простор и контролата врз него (било да е во директна форма на полициска контрола и надзор или индиректно преку архитектурата и просторното планирање) води кон редефинирање на целиот концепт на јавниот простор.
„Простори на моќта“
од Зоран Попоски
(2009)
Наместо дотогашната одредба според која работникот имаше право „да учествува во утврдувањето и во подобрувањето на условите за работа и на работната средина, да учествува во планирањето и воведувањето на нови технологии во однос на последиците од изборот на опремата, да предлага преземање на нови или подобрување на постојните мерки за заштита при работа со цел да се подобрат условите за работа, организацијата на работа и заштитата на здравјето и безбедноста на работниците во процесот на работата кај работодавецот (чл. 45, ЗЗР), ЗБЗР ја содржи одредбата според која „право и обврска на секој вработен е да дава предлози, мислења и забелешки за безбедноста и здравјето при работа на стручното лице и овластената здравствена установа“ (чл. 38, ЗБЗР).
„Обезвреднување на трудот“
од Савески, Апасиев, Ковачевски, Василев
(2010)
Со измената и дополнувањето од 2002 година во поглед на правата на работниците, додадено е правото да учествуваат во планирањето и воведувањето на нови технологии во однос на последиците од избор на опремата.
„Обезвреднување на трудот“
од Савески, Апасиев, Ковачевски, Василев
(2010)
Како резултат на лошиот раководен процес и лошото планирање, често и речиси редовно се случуваше да се остане и по неколку часа повеќе од полното работното време, а за ова прекувремено работење работниците воопшто не беа платени.
„Работни спорови - Позитивни примери од судската пракса“
од Димитар Апасиев
(2011)
Злобниците ме советуваа како прв маж да формирам детска градинка и на својата бескрајна политика на планирање да ѝ ставам точка со реализацијата на тој план.
„Црни овци“
од Катица Ќулавкова
(2012)
Таа заинтересираност била пренесена на разни институции и центри на политичко планирање.
„Македонија низ нишанот на САД и Британија“
од Тодор Чепреганов
(2012)
Поради ваквиот пристап на Донован кон улогата и местото на ОСС, било сосема природно тој да стапи во контакт со СОЕ за заедничкото планирање и изведување операции во моментот кога во 1942 година заедничкиот Англо-американски генералштаб решил САД да ѝ се придружат на Британија во "субверзивните" акции.
„Македонија низ нишанот на САД и Британија“
од Тодор Чепреганов
(2012)
Стереотипите за нецепкање на имотите беа пречка во планирањето на многучлените семејства.
„Последната алка“
од Стојан Арсиќ
(2013)
- Може, љубов моја! Но само под еден услов. Во планирањето на тоа наше патешествие за паметење да учествувам и јас.
„Последната алка“
од Стојан Арсиќ
(2013)
А за тоа беше потребно сосема ново планирање и сосема поинаков пристап.
„Последната алка“
од Стојан Арсиќ
(2013)
