поодминат (прид.)
Ме прегледа гинеколог. — Не може абортус, вели, детето е во поодминати месеци.
„Небеска Тимјановна“
од Петре М. Андреевски
(1988)
Но сега беше во поодминати години.
„Времето на козите“
од Луан Старова
(1993)
Во јануари минатата година му открија дека има рак на простатата во поодмината фаза, така што операцијата не би помогнала.
„МАРГИНА бр. 34“
(1996)
Одлуката да патувам во Албанија се совпадна со поодминатите подготовки на патувањето за кое беа вклучени неколку институции во обете земји.
„Атеистички музеј“
од Луан Старова
(1997)
Знам од книгите за него, дека и тој копнеел по едно парче земја во поодминатите години, императорот кој создал закони и на граѓаните им дарувал милост, сакал да се повини на копнеж стар, дури телото сѐ уште му слугува, да се врати во познат предел со песок на ритчињата, со хумус под сенките на боровите и да го чува парчето земја како што го чуваат селаните своето, ако треба со секира.
„Бунар“
од Димитар Башевски
(2001)
Обајцата беа во поодминати години, а со истиот занес од младоста. Тешко се приспособуваа на заедничката работа.
„Тврдина од пепел“
од Луан Старова
(2002)
Најмачно му беше да ѝ го оправда неочекуваното заминување на својата мајка која беше во поодминати години.
„Ервехе“
од Луан Старова
(2006)
Бургиба Јуниор беше во поодминати години.
„Амбасади“
од Луан Старова
(2009)
Беше човек со живи емоции, иако во поодминати години од животот.
„Амбасади“
од Луан Старова
(2009)
По образите се гледа дека е во поодминати години.
„На пат со времето“
од Петре Наковски
(2010)
Доктор Ауербах ги негирал претпоставките на своите колеги дека тагата на Рајнер делумно потекнува од тоа што неговите родители го добиле во поодмината возраст, и повеќе изгледаа како да му се баба и дедо отколку татко и мајка.
„Сестрата на Сигмунд Фројд“
од Гоце Смилевски
(2010)
Човекот кој продаваше беше во поодминати години, ама стасит!
„Ласа“
од Наташа Димитриевска Кривошеев
(2011)
Роза Регас се сеќава дека ја видела во трговскиот центар Ел Корте Инглес пред дванаесет години, со избричена глава, во портокалов свештенички фустан, приклучена кон некоја источна секта и во поодмината бременост.
„Црни овци“
од Катица Ќулавкова
(2012)
Астмата беше во поодмината фаза.
„Последната алка“
од Стојан Арсиќ
(2013)
Е, ама имав врски и две-три попатни провокации, и грижа како за кралица, па сум ги побркала лончињата мислејќи дека ова, третово искуство, ќе биде еквивалент на несење јајце од една кокошка во поодминати години.
„И ѓаволот чита пРада“
од Рада Петрушева
(2013)
Обајцата беа во поодминати години, но го имаа истиот занес од младоста.
„Балканвавилонци“
од Луан Старова
(2014)
Во поодминати години тој имаше судни маки да го научи како што приближно треба македонскиот јазик од групата словенски јазици, со кодифицирана азбука и граматика малку време по неговата преселба во Македонија.
„Балканвавилонци“
од Луан Старова
(2014)
Првите психијатриски дефиниции за девијантната сексуална ориентација, разработени во поодминатите години на деветнаесеттиот век, не биле дефиниции за хомосексуалноста, туку за превртувањето на половите улоги и за трансродовоста: „спротивното сексуално чувство“ на Карл Фридрих Ото Вестфал од 1869 и Ариготомасовата „инверзија на сексуалниот инстинкт“ од 1878 година.43
„Како да се биде геј“
од Дејвид Халперин
(2019)
