разгазува (несв.)
— „Ете ти го патот по кој можиш и ти, Сталко, да дојдиш до највисоката скала.. како отец Арсенија“, — си рече сам со умот Стале и започна да си го разгазува тој пат.
„Крпен живот“
од Стале Попов
(1953)
Притоа не рекоа ништо и оној напред уште веднаш продолжи да разгазува.
„Белата долина“
од Симон Дракул
(1962)
И,сега тој може да му одговори нему гласно и со намавнување, а потем бригадирот Језекил продолжува по разгазениот снег, со долгата пушка на повисокото рамо, додека тој во себе довикнува по него да излегува и тој понекогаш напред и да разгазува, да не го остави постојано да го цепи снегот само Претседателот, бидејќи тоа знае ѓаволски да измори.
„Белата долина“
од Симон Дракул
(1962)
И бабари не поминаа. Немаше ни кој да го разгази снегот, ни зошто да го разгазува. Остана само ״фати глувче за опавче, фрли го во јазон и кани му од газон“ .
„Пиреј“
од Петре М. Андреевски
(1983)
Одвај го разгазувам, за да појдам до гробот од Ангелета.
„Пиреј“
од Петре М. Андреевски
(1983)
Главнината ја расечува и по неа стотици нозе и копита ја разгазуваат росната трева.
„Големата удолница“
од Петре Наковски
(2014)
