серенада (ж.)
И запомни: кога ќе свирнам трипати, не го сметај тоа за серенада и не воздивнувај.
„Месечар“
од Славко Јаневски
(1959)
Ден и ноќ другарувавме, одевме на забави, на седенки, на серенади, гоневме бандити...
„Јас - момчето молња“
од Јагода Михајловска Георгиева
(1989)
Солените зраци залудени ги покануваат рибите на валцер...ен два три...морнарски капи – мистериозни мапи...ен два три...љубовниците пијат лимонада – осамените сонуваат серенади... ен два три... загубени гаќи – јато страчки... ен два три... чамци прамци ланци и други тракатанци... ен два три...ен два три...еве ги моите родители, испокасани од решетките, сепак се вртат ритмично и лесно, иако сенки – гостинки сред радосното братство, иако...ен два три...иако го наслушнувам татко ми како мрмори: - Денот е како лист.
„Слово за змијата“
од Александар Прокопиев
(1992)
Сместувајќи се во Grand Hotel Villa de France, кадешто Матис бил инспириран да ги наслика своите одалиски, во градот кој порано го беше инспирирал Римски-Корсаков да ја напише својата Шехерезада, ги истражувавме пеш забрзаната, миризлива Медина, Гранд и Петит Сако и касабата; повеќе сакавме да се загубиме без професионална помош, одбивајќи ги непријатно лепливите наводни водичи и занемарувајќи ја изненадувачки антисемитската тирада на едниот од нив; серенадите ни ги пееја градските певци секое утро и муезините пет пати секој ден молејќи се преку разгласот од минарето на блиската џамија; одлучивме својот прв невин излет во исламот да го продолжиме низ брегот.
„МАРГИНА бр. 34“
(1996)
Втората вечер ни дојдоа момчињата со гитари да ни свират серенади, но татко ѝ на Цвета ги истера.
„Три жени во три слики“
од Ленче Милошевска
(2000)
На серенадата присуствувала целата тајфа на виолинистот Филе, а тајфата ја предводел лично Голем Тодор.
„Жената на белогардеецот“
од Србо Ивановски
(2001)
Серенадата под чардакот на Рајна Коцева, како и другите две-три серенади што ги приреди Голем Тодор, и тоа во различни делови на градот, само требаше да го најават неговото пристигање помеѓу нас; неговото враќање во родното место.
„Жената на белогардеецот“
од Србо Ивановски
(2001)
Како што се покажа и од посетата на Рајна Коцева кај мене, серенадата не била љубовна.
„Жената на белогардеецот“
од Србо Ивановски
(2001)
Им приредуваа серенади на младите моми.
„Ервехе“
од Луан Старова
(2006)
Ги прашав: Што мислите за Лорка Шпанецот кој од песните солзи лее ја опева љубовта горка на младичот серенади што пеел?
„Сите притоки се слеваат во моето корито“
од Марта Маркоска
(2009)
се распали, гори Македонија можеби и отшто ги баталивме утринските молитвени песни отшто ги баталивме и вечерните серенади а додолските песни ги избришавме од сеќавањата од сите носачи на звук (останаа само носачите на зло).
„Светилничар“
од Ристо Лазаров
(2013)
