трпезарија (ж.)
Тоа беше една подвижна трпезарија, условно прилично чиста, со сите санитарни јазли.
„Патувања“
од Никола Кирков
(1982)
Дојдов до мензата од логорот, до трпезаријата: тука е!
„Небеска Тимјановна“
од Петре М. Андреевски
(1988)
XIX Полковниците по пријатната прошетка што ја направија со чун по езерото, седнаа на чардакот во очекување трпезарот да го постави јадењето во трпезаријата.
„Злодобро“
од Јован Стрезовски
(1990)
Ги поведе кон трпезаријата каде што беше поставено јадењето.
„Злодобро“
од Јован Стрезовски
(1990)
Во трпезаријата влезе калуѓер и му рече на отец Иларион дека е донесен нов болен во дворот.
„Злодобро“
од Јован Стрезовски
(1990)
Застана исправен пред вратата од трпезаријата, а потоа тргна напред, почувствува желба да седне, и остана да седи на столицата.
„Лек против меланхолија“
од Реј Бредбери
(1994)
Во трпезаријата, неколкумина слуги му подготвуваат остриги, шампањ и фазани. Тој сака добро да касне.
„МАРГИНА бр. 29-31“
(1996)
Во времето од 1954 до 1958 имав пристап во сите одделенија на болницата Саскачеван во Вејбурн и многу можности да разговарам со различни пациенти и на одделенијата и во трпезаријата.
„МАРГИНА бр. 10“
(1997)
Ми се гади од индустриска револуција, од смртта на земјоделието, ми се гади од ресторани, хотели, трпезарии и келнери.
„МАРГИНА бр. 10“
(1997)
И уште нешто, во информаторот прочитав дека во близина на манастирот се наоѓа и црква Света Богородица, со стари конаци и трпезарија.
„Тополите на крајот од дедовата ливада“
од Бистрица Миркуловска
(2001)
Поправо, едната била соба, дневна, што би се рекло, со кауч и со телевизор, тој таму спиел, но и со маса, трпезарија истовремено, а другата, кујна и еден вид мал магацин.
„Братот“
од Димитар Башевски
(2007)
Го свршував побрзо ручекот и чекав пред трпезаријата да го запрам кога ќе излегува.
„Послание“
од Блаже Конески
(2008)
Тенџерињата и тавите што блескаа, чиниите што беа сместени во шпајзот за порцелан, редиците чаши што беа на полиците, сите предмети во кујната, во трпезаријата и во гостинската соба, изгледаа како да знаат дека се сместени таму затоа што Кети сакала да бидат таму.
„Невестата на доселеникот“
од Стојан Христов
(2010)
Кога доцна попладнето се вратив дома, моите сестри седеа околу масата во трпезаријата.
„Сестрата на Сигмунд Фројд“
од Гоце Смилевски
(2010)
Потоа одиме на појадок – имаме вкупно шест трпезарии, сосема пространи да ги соберат нашите пациенти.
„Сестрата на Сигмунд Фројд“
од Гоце Смилевски
(2010)
Во трпезаријата, за време на ручекот, главата на Регина се спушти покрај чинијата со супа, како да заспива.“ .
„Сестрата на Сигмунд Фројд“
од Гоце Смилевски
(2010)
На терасата имаше повеќе скари за станарите од зградата и голема трпезарија комплет опремена, каде што ја јадевме вкусната риба и пиевме вино од регионот.
„Седум години“
од Зорица Ѓеорѓиевска
(2012)
Преживуваше зобајќи ги со гадење затворските дневни оброци со помош на приборот закачен за дрвената маса, додека погледот постојано ѝ беше закован за литографијата на генералот Франциско Франко, која од височина владееше со мрачната средновековна трпезарија.
„Црни овци“
од Катица Ќулавкова
(2012)
Додека во трпезаријата јадеа пита со спанаќ, госпоѓа Мариела се надоврза на приказната од филмот: „Мила моја Ема, јас доцна дознав дека животот е толку многу богат со пикантерии кои постојано се случуваат околу нас.
„Полицајка в кревет“
од Веле Смилевски
(2012)
Таа ноќ, во некаков френетичен напад, Марија ја искина литографијата на генералот во трпезаријата, ја шутна со сета сила пред вратата која водеше во дворот и се фрли на подот облеана во крв.
„Црни овци“
од Катица Ќулавкова
(2012)
