чемпрес (м.)
Страшилиште било да си меѓу високите чемпреси, платани и тополи, под наклапушените жални врби.
„Небеска Тимјановна“
од Петре М. Андреевски
(1988)
Се чувствувам како да сум на свој закоп: стојам на мартовски ветар меѓу црни, лелеави чемпреси и невини, чиниш ни со рака недопрени споменици и со изморени очи се простувам со себеси в ковчег.
„Забранета одаја“
од Славко Јаневски
(1988)
Под еден чемпрес... Не под еден чемпрес – Чемпресот живее само пет илјади години!
„Ненасловена“
од Анте Поповски
(1988)
Патеката се извишуваше од брегот кон чемпресовата шумичка, оттаму, во заситениот мирис на четинарите, ги следиме светилките на рибарските кајчиња.
„Слово за змијата“
од Александар Прокопиев
(1992)
Мојата помисла во моментот беше дека се наоѓам во една од сликите на Ван Гог во која е прикажан чемпрес, а зад него се ѕвездите и целото небо, насликано како на крај од огномет.
„МАРГИНА бр. 10“
(1997)
Четири илјади учесници засадија пет илјади садници црн бор, чемпрес, кедар и багрем.
„Тополите на крајот од дедовата ливада“
од Бистрица Миркуловска
(2001)
Кога ќе се покриеше со ложникот, чемпресот му удираше во прозорецот, потсетувајќи го на зборовите од Марин Крусиќ, дека сепак најпосле среќата ќе ја дофати. Ама кога? - беше нестрплив.
„Вежби за Ибн Пајко“
од Оливера Николова
(2007)
Еве, на пример, чемпресот до твојот прозорец.
„Вежби за Ибн Пајко“
од Оливера Николова
(2007)
Така тој имаше време дури и за чемпресот што удираше во прозорецот од собичката на струшкиот рибар.
„Вежби за Ибн Пајко“
од Оливера Николова
(2007)
Ене онде на океанскиот брег под крајбрежните чемпреси Абориџините трампаат една песна за еден радосен крик на делфините отшто само делфините се радосни на плажите на кои има илјадници километри за распостилање на домородната тага.
„Кревалка“
од Ристо Лазаров
(2011)
